Rihards Zariņš (coas variantes Richards Zarriņš e Richard Sarrinsch), nado o 27 de xuño de 1869 no municipio de Kocēni e finado o 21 de abril de 1939 en Riga, foi un artista gráfico letón coñecido por ser autor do escudo de Letonia e polos seus deseños de moedas, billetes e selos."Rihards Zariņš". The British Museum.Kļaviņš, E. (2009). "Rihards Zariņš. Biogrāfija un mākslinieciskā darbība ". Latvijas mākslas vēsture.
Traxectoria Rihards Zariņš naceu en Kocēni, na daquela Gubernia de Livonia, pertencente ao Imperio Ruso, e máis tarde trasladouse coa súa familia a Līgatne e a Daugavpils. Realizou os seus estudos artísticos superiores en San Petersburgo, onde en 1895 se graduou na Academia de Arte e Industria Stieglitz, nas especialidades de litografía e gravado, co profesor Vasily Matthew. Logo continuou a súa formación artística durante catro anos en Berlín, en Múnic e en Viena, onde afondou na litografía, e en París, onde perfeccionou as súas habelencias na acuarela e no pastel.
Logo do seu regreso a Rusia foi contratado na Imprenta Imperial Rusa en San Petersburgo, na que permaneceu durante vinte anos e da que chegou a ser o seu director técnico. A partir de 1905 encomendóuselle o deseño de toda a documentación estatal.
Pouco despois de que Letonia declarase a súa independencia do Imperio ruso, en 1919 Zariņš desprazouse a Riga para se encargar da imprenta gobernamental. Ocupou este cargo durante 14 anos, ata a súa xubilación en 1934.
Como consecuencia dun derramo cerebral, perdeu a capacidade de falar, aínda que continuou coa súa actividade artística ata o final da súa vida, o 21 de abril de 1939, na capital do país.
En 2019, con motivo do 150 aniversario do seu nacemento, o Goberno letón emitiu un selo postal conmemorativo cun retrato de Rihards Zariņš, co valor facial de 0,57 euros."150th Anniversary of Graphic Artist - Rihards Zarins". Wopa-plus.com
Obra Zariņš foi un dos artistas plásticos letóns máis recoñecidos. As súas primeiras obras datan dos primeiros anos da década de 1890 e apareceron publicadas nas páxinas da revista en lingua letoa Austrums ("O Leste"), cando aínda era un estudante da Academia Stieglitz, en San Petersburgo. Dedicou unha gran parte do seu tempo ao estudo da ornamentación popular e, baixo a súa coordinación, as editoras estatais elaboraron unha obra monumental sobre as artes decorativas en Letonia."Rihards Zariņš. Ornamentation and Graphics". Noar.eu
Ao longo da súa carreira, o artista foi autor de numerosos selos postais do Imperio Ruso, da Unión Soviética, da República Popular de Belarús e de Letonia. Entre eles, cómpre salientar o primeiro selo soviético, emitido en 1918.
Zariņš foi tamén un autor prolífico de ilustracións bibliográficas, ex libris, gravados diversos e litografías. A súa obra tamén abrangue os debuxos, acuarelas e caricaturas.
Entre os seus traballos máis destacables de artes aplicadas figuran o escudo de armas de LetoniaDukmane, K. "Valsts Simboli: Ģerbonis". Makslaplus.lv e os deseños de diversos billetes e moedas do sistema do lats letón."Latvia • Old lats (1922-1940). Engraver: Rihards Zariņš". Numista.com.
Galería de obras
Notas
Véxase tamén
Outros artigos
Lats letón
Ligazóns externas
Rihards Zariņš (1869–1939). What Latvia’s Forests Are Whispering (Latvian National Museum of Art)
Categoría:Nados en 1969 Categoría:Finados en 1939 Categoría:Nados en Letonia Categoría:Artistas de Letonia Categoría:Deseñadores de moeda Categoría:Personalidades do gravado Categoría:Deseño gráfico