Yolanda Ortiz, nada en 1923 ou 1924 en Tucumán e finada o 22 de xuño de 2019 en Bos Aires, foi unha doutora en química arxentina e primeira secretaria de Recursos Naturais e Medio Humano da Arxentina en 1973.
En 2020 promulgouse a "Lei Yolanda" de formación ambiental integral, que obriga aos cargos públicos a formar en temas ambientais e de cambio climático, nomeada así en homenaxe a Yolanda Ortiz.
Traxectoria Yolanda Ortiz estudou Química en Bos Aires.
O seu primeiro traballo foi na empresa Shell e despois traballou na Dirección de Aduanas.
Durante os anos sesenta dedicouse a estudar Toxicoloxía na Facultade de Ciencias Exactas e Naturais . Nesa mesma década obtivo unha bolsa na Sorbona, en Francia, onde permaneceu ata finais da década.
En 1973 foi convocada para dirixir a Secretaría de Medio Ambiente de América Latina por Juan Domingo Perón.
Tras a morte de Perón e o derrocamento de Isabel Perón, Yolanda tivo que exiliarse en Venezuela, onde traballou na Universidade Simón Bolívar. Alí permaneceu seis anos.
Ao seu regreso, fundou a organización non gobernamental Centro Ambiental Arxentino - CAMBIAR.
Recoñecementos En febreiro de 2009, o Consello Federal de Medio Ambiente (COFEMA) rendeu homenaxe á traxectoria de Yolanda Ortiz.
En maio de 2015, a Fundación R21 - América Latina Sostible, nomeou a Yolanda Ortiz como Socia de Honra polo seu destacado traballo a favor do medio ambiente e a sostibilidade.
O 27 de abril de 2017, a Mención de Honra á súa traxectoria, o máximo recoñecemento da Cámara de Deputados da Nación, pola súa traxectoria en temas de coidado do medio ambiente.
En 2018, o Senado da Nación Arxentina concedeulle a mención Juana Azurduy en recoñecemento á súa traxectoria.
Notas
Categoría:Químicos da Arxentina Categoría:Ecoloxistas da Arxentina Categoría:Científicos da Arxentina