A bandeira dos cherokees foi adoptada oficialmente pola Nación Cherokee de Oklahoma o 9 de outubro de 1978.
Contexto A Nación Cherokee é a meirande das tres tribos federalmente recoñecidas do pobo cherokee nos Estados Unidos. Foron recoñecidos por primeira vez pola administración de Franklin Roosevelt en 1941, que elaborou unha constitución baixo o nome de "Nación Cherokee de Oklahoma". A constitución non foi finalmente ratificada polos membros da tribo ata 1976.
dereita|miniatura|A bandeira cherokee moderna na tumba de Will Rogers en Claremore.
Deseño A bandeira para a nova nación foi deseñada por Stanley John e aprobada polo Consello Tribal Cherokee o 9 de outubro de 1978. A bandeira ten un campo laranxa co "Gran Selo da Nación Cherokee" no centro. O selo está rodeado por sete estrelas amarelas con sete puntas. Cada unha das estrelas apunta cara á estrela do centro do selo. As estrelas de sete puntas representan os sete clans do pobo cherokee.
A versión actual modificou a bandeira nunha resolución aprobada polo consello o 9 de setembro de 1989. Despois, engadiuse unha estrela negra de sete puntas na esquina superior dereita da bandeira para representar a luz que se apagou coa morte dos que pereceron no sendeiro das bágoas. A bandeira oficial tamén ten un bordo de corda verde e negro.
O texto en lingua cherokee no selo central di: "Tsalagihi Ayeli " (tradución: "Nación Cherokee").Cherokee Flags; Webmaster account; Rootsweb .com; páxina web en liña; consultado en xullo de 2020
Notas
Véxase tamén Ligazóns externas
Categoría:Pobo cherokee Categoría:Bandeiras de pobos indíxenas Categoría:Bandeiras históricas Categoría:Bandeiras nacionais Categoría:Bandeiras introducidas en 1978