Stella Bloomberg —de solteira— ou Stella Hackel Sims, nada en Burlington, Vermont, o 27 de decembro de 1926, é unha xurista, política e alta funcionaria estadounidense que ocupou o cargo de directora da Casa da Moeda dos Estados Unidos entre 1977 e 1981.
Traxectoria
Primeiros anos e formación Stella Bloomberg naceu en 1926 en Burlington, Vermont, e logo de recibir a primeira educación na súa localidade, cursou estudos superiores na Universidade de Vermont, onde se graduou en 1945, e posterormente acadou o seu doutoramento en Dereito na Universidade de Boston, en 1948."Stella Bloomberg Hackel-Sims". Prabook.com"Hackel-Sims, Stella". En Duffy, J. et al. (ed). (2003). Páxina 148.
Carreira pública En 1956 foi elixida fiscal do tribunal da cidade de Rutland, en Vermont, cargo que ocupou ata 1963. Entre 1963 e 1973 foi comisionada do Departamento de Seguridade Laboral de Vermont, e no bienio 1971-1972 compaxinou este cargo coa presidencia da Conferencia Interestatal de Axencias de Seguridade Laboral.
En 1974 foi designada como candidata polo Partido Demócrata para tesoureira do Estado de Vermont, cargo que desempeñou durante un mandato, de 1975 a 1977, logo do cal regresou a Rutland como fiscal. Tamén foi a candidata demócrata nas eleccións a gobernadora de Vermont de 1976, mais perdeu ante o republicano Richard A. Snelling.
En 1977, o presidente Jimmy Carter nomeouna directora da Casa da Moeda dos Estados Unidos e exerceu este cargo entre novembro dese mesmo ano e abril de 1981. Como feito máis relevante neste período pódese destacar o seu labor de supervisión no lanzamento do coñecido como dólar Susan B. Anthony, en 1979.McPike, S. (2015) .
En 1978 atraeu a controversia tanto dos numismáticos como dos historiadores ao ordenar a destrución dos rexistros da Casa da Moeda."Why did Stella Hackel Sims Destroy Valuable Mint Records?". En Montgomery, P. et al. (2005). Million Dollar Nickels: Mysteries of the Illicit 1913 Liberty Head Nickels Revealed. Zyrus Press. Páxina 47. ISBN 978-0-9742371-8-3Julian, R. W. (2001). "Hackel's Mint Record Destruction". En The E-Sylum. Volume 4. Nº 22. 27 de maio.
Vida persoal Stella Bloomberg casou o 14 de agosto de 1949 con Donald Herman Hackel, con quen tivo dúas fillas. Logo do falecemento deste, casou en segundas nupcias o 28 de agosto de 1980 con Arthur Sims (finado en 2006)."Obituary: Arthur I. Sims M.D.". En The Washington Post. 15 de xaneiro de 2006. Logo dos seus matrimonios, colleu os apelidos dos seus maridos e pasou a ser coñecida inicialmente como Stella Hackel e despois Stella Hackel Sims.
Sims retirouse en 1988 e trasladouse a vivir ao condado de Arlington, en Virxinia, e a Naples en Florida.
Notas
Véxase tamén
Bibliografía
Duffy, J. et al. (ed). (2003). The Vermont Encyclopedia. University of Vermont Press. Páxina 148. ISBN 1-58465-086-9 McPike, S. (2015). "Six Women Who Have Led the United States Mint ". United States Mint News. 18 de marzo.
Outros artigos
Director da Casa da Moeda dos Estados Unidos
Categoría:Nados en 1926 Categoría:Nados en Vermont Categoría:Directores da Casa da Moeda dos Estados Unidos Categoría:Políticos do Partido Demócrata dos Estados Unidos de América Categoría:Avogados dos Estados Unidos de América Categoría:Fiscais dos Estados Unidos de América Categoría:Alumnos da Universidade de Vermont Categoría:Alumnos da Universidade de Boston