O patrimonio das selvas tropicais ombrófilas de Sumatra é un lugar declarado Patrimonio da Humanidade pola UNESCO no ano 2004. Abrangue tres parques nacionais indonesios na illa de Sumatra: o Parque Nacional de Gunung Leuser, o Parque Nacional de Kerinci Seblat e o Parque Nacional de Bukit Barisan Selatan. O sitio foi inscrito como Patrimonio da Humanidade segundo os criterios vii: beleza paisaxística destacada; ix: un exemplo destacado que representa importantes procesos ecolóxicos e biolóxicos en curso; e x: contén os hábitats naturais máis importantes e significativos para a conservación in situ.UNESCO: Description, consultado o 12 de febreiro de 2009 O patrimonio das selvas tropicais ombrófilas de Sumatra incluíuse na Lista do Patrimonio da Humanidade en Perigo no ano 2011 para axudar a superar as ameazas que supón a caza furtiva, a talla ilegal, a invasión agrícola e os plans para construír estradas a través do lugar.Danger listing for Indonesia’s Tropical Rainforest Heritage of Sumatra, consultado o 22 de xuño de 2011
Notas
Categoría:Patrimonio da Humanidade en Indonesia Categoría:Áreas protexidas de Sumatra Categoría:Patrimonio da Humanidade en perigo