O Premio de xornalismo Francisco Fernández del Riego é un certame convocado por Afundación, que desde 2004 premia artigos de xornalismo literario ou de opinión en lingua galega. Leva o nome do polígrafo Francisco Fernández del Riego.
Bases Naceu no ano 2004 da man de Caixanova, entidade que viña entregando o Premio de xornalismo Julio Camba, que desde 1980 premiaba artigos xornalísticos en lingua castelá e galega e que en 2004 pasou a premiar só textos en castelán. O obxecto do premio son artigos xornalísticos de chamado periodismo literario ou de opinión, publicados tanto en medios escritos como dixitais. As candidaturas poden ser presentadas tanto polos propios autores ou autoras destes artigos xornalísticos, como por institucións, públicas ou privadas, academias ou fundacións de todo o ámbito da convocatoria que o estimen oportuno.
Persoas gañadoras 2004: Fina Casalderrey polo artigo "Camiños brancos" (Diario de Pontevedra, 4 de xaneiro de 2003). 2005: Miguel-Anxo Murado, polo artigo "Chamadas perdidas" (La Voz de Galicia). 2006: Eduardo Rolland, polo artigo "O galego dos sioux" (Faro de Vigo). 2007: Rosa Aneiros, polo artigo "A última vaca". 2008: Santiago Lamas, polo artigo "Ventos" (La Región, 18 de decembro de 2007). 2009: Manuel Rivas 2010: Alberto Pena Rodríguez, polo artigo "Cousas da lingua" (Diario de Pontevedra, 29 de decembro de 2009). 2011: Xosé Carlos Caneiro 2012: Carlos González Reigosa, polo artigo "Paraíso case baleiro". 2013: Manuel Darriba 2014: Manuel Bragado 2015: Luís Pousa, polo artigo "Galicias" (La Voz de Galicia, 25 de xullo de 2014). 2016: Tamara Montero, polo artigo "Botóns escuros" (La Voz de Galicia, 28 de novembro de 2015). 2017: María Varela, polo artigo "Cóxegas e tartas" (Diario de Pontevedra, 29 de abril de 2016). 2018: Santiago Jaureguizar, polo artigo "Pólvora sen magnolia na discoteca Clangor" (El Progreso e Diario de Pontevedra, 19 de xuño de 2017). 2019: Inma López Silva, polo artigo "Terra rota" (La Voz de Galicia, 10 de abril de 2018). 2020: Cristina Pato, polo artigo "Realidades paralelas" (La Voz de Galicia, 3 de maio de 2019). 2021: Míriam Ferradáns, polo artigo "Dalias" (Nós Diario, 10 de novembro de 2020). 2022: Francisco Castro, polo artigo "Coiden da música" (La Voz de Galicia, 29 de novembro de 2021).
2023: Mar Mato, polo artigo "Réquiem por un sombreiro" (Faro de Vigo, 4 de setembro de 2022). 2024: Diego Ameixeiras, polo artigo "A metade do inverno vai fóra", (La Voz de Galicia, 10 de febreiro de 2023). 2025: Rexina Vega polo artigo «Aínda aprendo», publicado o 1 de xaneiro de 2024 en Tempos Novos.
Notas
Francisco Fernández del Riego Categoría:Francisco Fernández del Riego Categoría:Abanca