El Viso é un barrio situado na zona nordés da cidade de Madrid, no distrito de Chamartín. Toma o seu nome da colonia histórica realizada entre 1933 e 1936 por Rafael Bergamín Gutiérrez, arquitecto da xeración do 25, coa colaboración de Luis Felipe Vivanco. Constitúe un exemplo do racionalismo madrileño (como o foron no seu momento algúns edificios das Facultades da Cidade Universitaria). Componse de casas unifamiliares de dous pisos, moitas das cales foron habitadas por intelectuais da época. Na actualidade o barrio comprende, xunto a El Viso, as antigas colonias Parque Residencia e Iturbe IV. Historia Anos antes da construción de El Viso, o arquitecto Rafael Bergamín Gutiérrez proxectou a Casa do Marqués de Villora. En 1933, xa na Segunda República Española e conforme a «Lei de Casas Económicas» de 1925, Bergamín encargouse de construír o conxunto nuns terreos propiedade do promotor Gregorio Iturbe próximos aos denominados «Altos do Hipódromo», en referencia ao hipódromo da Castellana. A idea inicial era deseñar un complexo residencial de hoteis e vivendas baixas coa denominación «Cooperativa de casas económicas El Viso», inspirado nas obras de Adolf Loos. Cando se construíron as casas, a colonia atopábase afastada do centro de Madrid e ocupaba unha das cotas máis elevadas da cidade, o que lle deu o seu nome.
Actualmente acolle como residentes a Rafael Moneo, a banqueira Ana Botín, a familia Villar Mir, o construtor e presidente do Real Madrid Florentino Pérez, o fillo do expresidente do goberno José María Aznar, o empresario Rafael del Pino e moitos outros membros do mundo aristocrático e empresarial.
Transporte
Cercanías Madrid Lindante con El Viso está situada a estación de Nuevos Ministerios (C-1, C-2, C-3, C-4, C-7, C-8 e C-10), unha das máis importantes da cidade.
Metro de Madrid El Viso está ben servido por metro. As liñas 4, 6, 7, 8, 9 e 10 dan servizo ás seguintes estacións do barrio:
Avenida de América (L4, L6, L7 e L9) (Lindante) Nuevos Ministerios (L6, L8 e L10) (Lindante) Gregorio Marañón (L7 e L10) República Argentina (L6) Concha Espina (L9) Cruz del Rayo (L9) Santiago Bernabéu (L10)
Autobuses As seguintes liñas dan servizo a El Viso: LiñaTerminais7Alonso Martínez – Manoteras9Sevilla – Hortaleza12Cristo Rey – Pº Marqués de Zafra14Conde de Casal – Avda. Pío XII16Moncloa – Pío XII19Plaza de Cataluña – Legazpi27Embajadores – Plaza de Castilla29Felipe II – Manoteras40Tribunal – Alfonso XIII43Felipe II – Estrecho51Sol / Sevilla – Plaza de Perú52Sevilla – Santamarca73Diego de León – Feria de Madrid114Avenida de América – Barrio del Aeropuerto115Avenida de América – Barajas120Plaza de Lima – Hortaleza122Avenida de América – Feria de Madrid126Nuevos Ministerios – Barrio del Pilar147Callao – Barrio del Pilar150Sol / Sevilla – Virgen del Cortijo200Avenida de América – AeropuertoC1Circular 1C2Circular 2N1Cibeles – SanchinarroN2Cibeles – ValdebebasN4Cibeles – BarajasN22Cibeles – Barrio del PilarN24Cibeles – Las Tablas
Notas
Véxase tamén
Bibliografía
Outros artigos Movemento urbanístico Ciudad Jardín
Categoría:Urbanismo de Madrid