miniatura| Refuxio co logotipo de NMBS en Flémalle A Sociedade Nacional de Ferrocarrís Belgas, NMBS (Nationale Maatschappij der Belgische Spoorwegen, en neerlandés) ou SNCB (Société Nationale des Chemins de fer Belges, en francés) é a empresa nacional de transporte ferroviario de Bélxica.
Historia A empresa foi creada en 1926 polo Estado belga ao querer integrar todas as empresas e liñas privadas de Bélxica. Na procura de diñeiro nos albores da gran crise económica de 1929, o Estado privatizouna en 1927. Despois da Segunda guerra mundial, o Estado belga recomprou todas as accións e en 1958 nacionalizáronse todas as liñas.
A partir de 1991 converteuse nunha sociedade pública autónoma. esquerda|miniatura| Furgoneta co logotipo de Infrabel A normativa europea impoñía dividir a estrutura única que até entón era un dos mellores servizos ferroviarios integrados en dúas partes: un xestor de infraestruturas, Infrabel, e un organizador de transporte ferroviario NMBS ou SNCB. Baixo a presión dos sindicatos e de certos políticos que querían evitar o desastre da privatización de British Rail e RailTrack no Reino Unido, crearon un holding para coordinar as dúas partes: NMBS-Holding ou Holding SNCB. Estes tres forman o Grupo NMBS.
En 2006, o grupo NMBS empregaba a preto de 37.865 persoas sendo, polo tanto, un dos grandes empregadores con máis antigüidade en Bélxica. A rede contaba con 3.536 quilómetros de liñas, dos que 2.701 quilómetros eran electrificados e 314 quilómetros eran de alta velocidade.
En 2007, transportaba a 206,5 millóns de persoas, o que supón un aumento significativo fronte aos 186,6 millóns de 2005.
2011 foi un ano récord con case 230 millóns de pasaxeiros transportados.
Sucursais
Inter Ferry Boat (IFB): Transporte intermodal TUC RAIL: Servizos de enxeñaría de infraestruturas ferroviarias Transurb Technirail: Servizos de enxeñaría de transporte Railtour: Turismo Publicación: Publicidade
Participacións
Grupo Eurostar: as liñas de alta velocidade Bruxelas-Londres e París-Londres Thalys International: as liñas de alta velocidade París-Bruxelas-Ámsterdam e París-Bruxelas-Liexa-Colonia. BeNe Rail International (empresa conxunta coa empresa ferroviaria holandesa NS)
Notas
Véxase tamén
Outros artigos
Egide Walschaerts (1820-1901), enxeñeiro ferroviario e empresario Eurostat Redes Transeuropeas de Transporte Axencia Ferroviaria da Unión Europea
Ligazóns externas
Sitio web oficial (en holandés, francés, alemán e inglés)
Bibliografía
Ulysse Lamalle, De Geschiedenis der Belgische Spoorwegen, Bruxelas, Editorial Office de publicité, 1943, 158 páxinas Bart Van der Herten, Michelangelo Van Meerten, Greta Verbeurgt (editor), Sporen in België, 175 jaar spoorwegen, 75 years of the NMBS, Lovania, Editorial Leuven University Press, 2001,
Categoría:Empresas ferroviarias Categoría:Trens de alta velocidade Categoría:Empresas de Bélxica