Gustavo Contreras Cerdeiriña, nado en Verín en 1909 e finado en Vigo en 1975, foi un médico e político galego.
Traxectoria Comezou os estudos de Medicina na Universidade de Santiago de Compostela e rematounos na Universidade de Granada acollido polo seu tío político Alejandro Otero Fernández. Finalizados os estudos en 1932 permaneceu un tempo en Granada especializándose en Xinecoloxía e Obstetricia con Alejandro Otero. Simpatizante do PSOE. Regresou a Verín onde exerceu a medicina. Co golpe de Estado do 18 de xullo de 1936 logrou pasar desapercibido traballando na Enfermería Militar de Cabreiroá. Foi detido o 27 de marzo de 1937 durante un breve período de tempo sen procesamento xudicial e finalmente alistouse no Exército franquista e foi nomeado alférez médico en maio de 1937.El Eco de Santiago, 29-5-1937, p. 2. Dende 1941 exerceu como médico de Asistencia Pública Domiciliaria primeiro en Lleida e despois en Monterrei. En 1963 trasladouse como médico municipal ao Incio, de onde pasou a Baiona e despois a Vigo como médico de Citroën. Finou en Vigo en 1975.
Notas
Véxase tamén Bibliografía
Categoría:Represaliados polo franquismo Categoría:Médicos de Galicia Categoría:Nados en Verín Categoría:Nados en 1909 Categoría:Finados en 1975