Biorno Costado de Ferro (en dinamarqués: Bjørn Jernside; en sueco: Björn Järnsida; en nórdico antigo: Bjǫrn Járnsíða; en latín: Biornus, Bier Costae ferreae) foi un xefe viquingo semilendario, de orixe dinamarquesa, que teria vivido no século IX. Segundo a lenda, o alcume Järnsida ("Costado de Ferro") foille atribuída pola súa invulnerabilidade, despois de que a súa nai lle dera unha apócema máxica.
Segundo a Saga de Hervör e a Saga de Ragnar Lodbrok, Biorno tería sido un dos catro fillos de Ragnar Lodbrok con Aslauga, tendo herdado o domínio de Svitjod, embrión da futura Suecia. Dise que foi o primeiro soberano da Casa de Munsö. miniatura|Esta pedra rúnica, coroa o túmulo de Biorno en Uppland, Suecia. Biorno comandou unha expedición viquinga de pillaxe no século IX á rexión do río Sena na Francia, e máis tarde, xunto aos seus irmáns, á península, ao sur de Francia e a Italia. Participou igualmente en expedicións de conquista en Inglaterra. Regresado a Escandinavia, viviu o resto dos seus días como un home rico. Segundo a lenda, está sepultado nun montículo, chamado "túmulo de Biorno Costado de Ferro" (Björn Järnsidas hög), con 5 m de alto e 20 m de largo, encontrado no século XVIII na illa de Munsö por uns anticuários. Na cima dese montículo, están os restos dunha pedra rúnica catalogada como U 13.
Notas
Véxase tamén
Lista de monarcas de Suecia Ragnar Lodbrok
Categoría:Viquingos Categoría:Historia de Dinamarca Categoría:Historia de Suecia