Zerbino é un personaxe de ficción da Materia de Francia. Aparece en Orlando Furioso, a epopea italiana do século XVI de Ludovico Ariosto. É fillo do rei de Escocia, duque de Ross, e irmán de Ginevra.Ginevra/Guinevere/Xenevra é un nome coincidente na Materia de Bretaña e na Materia de Francia, pero esta Xenevra e a raíña Xenevra son personaxes distintas e pertencen a diferentes tradicións narrativas. Zerbino tampouco ten conexións directas con personaxes ou reis históricos da Galiza/Gallaecia ou con figuras do ciclo artúrico, a pesar das similitudes nominais. Ariosto, creando un universo narrativo propio, mestura nomes, lugares e tradicións diversas, sen adhesión estrita a datos históricos ou mitolóxicos. Participa nunha xusta en Galiza, onde Isabella, filla do rei de Galiza, namora del.
En combate cos pagáns fóra de París, persegue a Cloridano e Medoro. Un dos seus cabaleiros escoceses apuñala a Medoro. Zerbino deixa a Medoro por morto, pero Anxélica cóidao para recuperar a súa saúde. Zerbino é traizoado por Gabrina, e está a piques de ser executado cando é rescatado por Orlando e Isabella. Despois de que Orlando tolee, Zerbino vai na súa procura. Zerbino atopa os brazos e armaduras de Orlando, que descartara na súa loucura. Mandricardo loita con Zerbino e gañalle a espada Durendal.
A relación de Zervino e Isabella serve como un eixo narrativo para explorar os temas do amor cabaleiresco e a traxedia. Isabella amosa unha grande lealdade cara a Zerbino, mesmo despois de que as circunstancias os separan e, máis tarde, culmina na súa morte desgarradora. miniatura|Combate de Manricardo e Zerbino, ilustración para Orlando Furioso atribuída a Raphaël de La Planche.|265x265px
Antonomasia A pesar da interpretación extremadamente positiva que Ariosto fai del, o nome Zerbino en italiano converteuse en sinónimo dun 'mozo galante, ben composto e elegante, pero de maneira excesiva e ostentosa, revelando unha falta de suavidade ou dozura, e ausencia de bo gusto'. Notas
Véxase tamén
Bibliografía Orlando furioso ed. Marcello Turchi (Garzanti, 1974) Orlando Furioso: A Selection ed. Pamela Waley (Manchester University Press, 1975)
Categoría:Personaxes da literatura