Joseba Muguruza Bengoa, nado en Deba o 11 de xaneiro de 1994, é un futbolista español que xoga como extremo e lateral dereito na Cultural Leonesa, da Primeira División RFEF.
Traxectoria Nado na localidade guipuscoana de Deba, formouse como futbolista na canteira da Real Sociedad, onde subiu polas diferentes categorías do club. Rematada a súa etapa como xuvenil, saíu cedido ao Oiartzun, da Terceira División, onde anotou 12 goles en 34 partidos. De regreso en Donostia pasou ao filial, a Real Sociedad B, co que xogou durante catro anos na Segunda División B, disputando 135 partidos nos que conseguiu 31 goles.
En 2018 deixou o País Vasco e fichou polo Castellón, da mesma categoría. Alí o adestrador Óscar Cano atrasou a súa posición ata o lateral dereito, onde se afianzou na titularidade. Na tempada 2019/20 conseguiu ó ascenso á Segunda División, contribuíndo cun total de 33 partidos e tres goles durante a campaña. Tras un ano na categoría de prata, pasou polas filas do Sabadell, antes de recalar en 2022 na Cultural Leonesa.
Notas
Categoría:Nados en Deba Categoría:Nados en 1994 Categoría:Futbolistas do País Vasco Categoría:Centrocampistas de fútbol Categoría:Defensas de fútbol Categoría:Xogadores da Real Sociedad B Categoría:Xogadores do CD Castellón Categoría:Xogadores do CE Sabadell Categoría:Xogadores da Cultural Leonesa