Mars Needs Moms é un filme estadounidense de 2011 dirixido por Simon Wells, producido por ImageMovers Digital e distribuído por Walt Disney Pictures. Baséase no libro homónimo de Berkeley Breathed e conta coas voces e captura de movementos de Seth Green, Dan Fogler, Elisabeth Harnois, Mindy Sterling e Joan Cusack. Foi o segundo e derradeiro filme producido por ImageMovers Digital antes de que o estudo fose pechado e reabsorbido en ImageMovers. Conta a historia dun neno de nove anos chamado Milo que se propón salvar a súa nai despois de ser secuestrada por marcianos.
Mars Needs Moms estreouse en El Capitan Theatre dos Ánxeles o 6 de marzo de 2011, e estreouse nos cinemas dos Estados Unidos o 11 de marzo de 2011, nos formatos Disney Digital 3D, RealD 3D e IMAX 3D. Recibiu valoracións dispares da crítica, que eloxiou a imaxe, a escenografía e o elenco, mais criticaron a súa historia, os personaxes e a "inquietante" animación dos personaxes, e os críticos dixeron que "padece de falta de imaxinación e de corazón". Recaudou 39,2 millóns de dólares en todo o mundo cun orzamento de 150 millóns de dólares, converténdose nun dos fracasos do cinema máis grandes de todos os tempos, perdendo entre 100 e 144 millóns de dólares para Disney.
Personaxes Seth Green como Milo (captura de movementos) Seth Dusky como Milo (voz) Dan Fogler como Gribble Elisabeth Harnois como Ki Mindy Sterling como o Supervisor Joan Cusack como nai de Milo Kevin Cahoon como Wingnut Dee Bradley Baker como Two-Cat (voz) Tom Everett Scott como pai de Milo Raymond, Robert e Ryan Ochoa como crías marcianas Matthew Henerson, Adam Jennings, Stephen Kearin, Amber Gainey Meade, Aaron Rapke, Julene Renee, Kirsten Severson e Matthew Wolf como marcianos
Notas
Categoría:Filmes de 2011 Categoría:Filmes en lingua inglesa Categoría:Filmes dos Estados Unidos de América Categoría:Filmes dirixidos por Simon Wells Categoría:Filmes ambientados en 2011 Categoría:Filmes de 2011 en 3D Categoría:Filmes distribuídos en sistemas IMAX Categoría:Filmes de ImageMovers Categoría:Filmes de Walt Disney Pictures