As sacas de presos —coñecidas no argot da época como «sacas»— son situacións de violencia ocorridas en diversos cárceres de España principalmente durante a Guerra Civil española (1936-1939), aínda que tiveron continuidade durante os primeiros anos da ditadura de Francisco Franco.
O procedemento consistía na extracción masiva e sistemática de presos dos cárceres co obxecto de seren executados. As vítimas eran sacadas segundo criterios militares, relixiosos ou de status social, entre outros. Estes sucesos foron dos máis controvertidos e polémicos da guerra civil española, e tiveron lugar en ambos bandos principalmente a finais de 1936. Foi unha das formas de violencia empregadas durante a contenda, como o foron os paseos e as checas. O precedente foi sen dúbida a xenerosa aplicación do asasinato paralegal sen hábeas corpus na forma chamada «lei de fugas».
Notas
Véxase tamén Outros artigos Represión franquista Checa Melchor Rodríguez García Matanzas de Paracuellos
Categoría:Guerra civil española Categoría:Historia de España do século XX