Hermine Deurloo, nada en Ámsterdam o 8 de marzo de 1966, é unha harmonicista profesional neerlandesa de Jazz experta na harmónica cromática.
Traxectoria Deurloo estudou saxofón no Conservatorio de Ámsterdam. Ao mesmo tempo, aprendeu por si mesma a tocar a harmónica. Toca principalmente jazz pero ocasionalmente actúa con bandas de música clásica ou pop. Xirou a nivel internacional como músico profesional xunto a Tony Scherr, Han Bennink, Willem Breuker Kollektief, The Schonberg Ensemble, Candy Dulfer ou a The Metropole Orchestra. En outubro de 2012, o seu CD, "Glass Fish" é lanzado por Challenge Records, onde Deurloo está acompañada por algúns dos mellores da escena jazzística holandesa: Tony Overwater, Jesse van Ruller ou Joshua Samson. Os anteriores CD cos que entrou na industria, editados pola propia Hermine, son "Crazy Clock" (2005), gravado en Nova York co produtor/guitarrista/cantante Tony Scherr, quen toca nese álbum con Bill Frisell e Norah Jones; "Soundbite" (2006), co-producida por Reinder van Zalk de Earforce; "Live in de Tor" (2007) cos músicos Jan Wessels, Peter Nieuwerf e Ruud Ouwehand.
Hermine tamén colabora a nivel profesional coa industria do cine, como recentemente para o compositor de cine dos Ánxeles Austin Wintory, para unha película de Amin Matalqua. Tamén foi solista convidada en moitos discos e tocou con diversos grupos, como Bennie Sings e The Rigidly Righteous. Hermine apareceu varias veces na televisión, en programas de prime time como "De Wereld Draait Door" e "Klokhuis". En 2011, Hermine foi entrevistada para a noticia diaria da RAI 3 en Italia.
En 2018 Deurloo gañou o Premio á mellor harmonicista Bernie Bray Harmonica Player of the Year Award.
A prensa especializada catalogou o disco Splendor Takes (2023) como o álbum que atopaba sucesor para o lendario harmonicista de jazz belga Toots Thielemans.
Notas
Véxase tamén Hermine Deurloo , The Man with the Hat (Video Oficial)
Categoría:Harmonicistas de jazz Categoría:Saxofonistas de jazz Categoría:Nados en 1966 Categoría:Nados en Ámsterdam