Afonso de Molina (en castelán Alfonso de Molina), nado en 1202 preto de León e finado o 6 de xaneiro de 1272 en Salamanca, foi un infante de León e Castela, fillo de Afonso VIII de Galiza e León e da súa segunda esposa, Berenguela. Durante a súa vida, xogou un papel importante nos conflitos dinásticos e territoriais do seu tempo, e herdou o señorío de Molina e Mesa ao casar con Mafalda González de Lara.
Traxectoria Orixes familiares Fillo de Afonso VIII e Berenguela de León e Castela, era neto por liña paterna de Fernando II de Galiza e León e Orraca de Portugal, e por liña materna de Afonso VIII de Castela e Lionor Plantagenet.
Nado preto de León, Alfonso presenciou as tensións entre os reinos de Castela e de León durante a súa infancia, especialmente despois da anulación do matrimonio dos seus pais. Na batalla das Navas de Tolosa en 1212, o seu pai non participou, optando en lugar diso por invadir Castela á ausencia do seu curmán Alfonso VIII de Castela.
Conflitos de sucesión En 1230, tras a morte do seu pai, podería ter reclamado o trono de León. Fernando III herdou Galiza contra a vontade do seu pai. Durante o conflito sucesorio os galegos chegaron a propor para o trono a Afonso de Molina, irmán máis novo de Fernando, mais finalmente renunciou a favor do seu irmán Fernando, o que provocou a unificación dos reinos de Galiza e León e de Castela.
Matrimonios e descendencia Casou en tres ocasións, tendo varios fillos coas súas esposas Mafalda González de Lara, Teresa González de Lara e Maior Alfonso de Meneses, e tivo cinco fillos "ilexítimos" fóra dos matrimonios, un deles lexitimado logo polo papa Inocencio IV.
Pasamento Faleceu en 1272 en Salamanca e foi enterrado no castelo de Calatrava la Nueva, reflectindo a súa afiliación coa Orde de Calatrava.
Notas
Véxase tamén
Bibliografía
Estepa Díez, Carlos. Frontera, nobleza y señoríos en Castilla: el señorío de Molina (siglos XII-XIII). Ediciones Universidad de Salamanca, Salamanca, 2006. Salazar y Acha, Jaime de. La casa del Rey de Castilla y León en la Edad Media. Centro de Estudios Políticos y Constitucionales, Madrid, 2021.
Outros artigos
Historiografía do Reino medieval de Galiza
Categoría:Nados en León Categoría:Infantes de León Categoría:Século XIII en Galicia