Santiago Colombatto, nado en Ucacha (Córdoba, Arxentina) o 17 de xaneiro de 1997, é un futbolista arxentino que xoga como centrocampista no Oviedo, da Segunda División.
Traxectoria Comezou a xogar ao fútbol aos catro anos no Club Jorge Newbery da súa Ucacha natal, antes de trasladarse con 10 anos a Buenos Aires. Na capital arxentina xogou nas canteiras de River Plate e de Racing Club, antes de mudarse en decembro de 2015 a Italia para ingresar no Cagliari. Debutou na Serie B o 13 de febreiro de 2016 contra o Latina Calcio.
A partir do verán de 2016 viviu catro cesións en tres anos, xogando así nas filas do Pisa, o Trapani, o Perugia e o Hellas Verona.
O 31 de agosto de 2019 fichou polo Sint-Truiden belga. En xaneiro de 2021, foi cedido ao Club León mexicano por seis meses cunha opción de compra ao remate do préstamo, facéndose esta efectiva por uns 800.000 euros.
Para a tempada 2022/23 foi cedido ao Famalicão, da Primeira Liga de Portugal. O 25 de agosto de 2023, o Club León cedeuno ao Real Oviedo, da Segunda División española, co que comparte propietarios.
Notas
Categoría:Nados en 1997 Categoría:Nados na provincia de Córdoba, Arxentina Categoría:Futbolistas da Arxentina Categoría:Centrocampistas de fútbol Categoría:Xogadores do Cagliari Calcio Categoría:Xogadores do AC Pisa 1909 Categoría:Xogadores do Trapani Calcio Categoría:Xogadores do AC Perugia Categoría:Xogadores do Hellas Verona FC Categoría:Xogadores do Sint-Truidense VV Categoría:Xogadores do FC Famalicão Categoría:Xogadores do Real Oviedo Categoría:Futbolistas olímpicos da Arxentina Categoría:Futbolistas nos Xogos Olímpicos de 2020