Adrián Butzke Benavides, nado en Monachil o 30 de marzo de 1999, é un futbolista español que xoga como dianteiro no Mirandés, da Segunda División, cedido polo Vitória de Guimarães.
Traxectoria Nacido en Monachil de pai alemán e nai española, formouse como futbolista nas canteiras do CA Monachil e do Granada. En xullo de 2018, tras rematar a súa etapa como xuvenil, foi destinado ao Huétor Vega, da Terceira División.
O 2 de setembro debutou co Recreativo Granada na Segunda División B ante o UCAM Murcia. Para a tempada 2020/21 foi cedido ao Haro Deportivo.
O 30 de novembro de 2021 debutou co primeiro equipo do Granada, saíndo como titular nun partido da Copa do Rei ante o Laguna de Tenerife, e anotou un triplete. O 19 de decembro do mesmo ano disputou o seu primeiro partido na Primeira División, substituíndo a Jorge Molina nun partido ante o Mallorca. No mercado invernal saíu cedido ao Paços de Ferreira, da Primeira Liga de Portugal.
Para a tempada 2022/23 volveu ser cedido ao club portugués. O 6 de xullo de 2023 foi traspasado ao Vitória de Guimarães. O 17 de xaneiro de 2025, tras un período cedido no CD Nacional, regresou a España como cedido ao Mirandés, da Segunda División.
Notas
Categoría:Nados en 1999 Categoría:Nados na provincia de Granada Categoría:Futbolistas de Andalucía Categoría:Dianteiros de fútbol Categoría:Xogadores do Granada CF B Categoría:Xogadores do Granada CF Categoría:Xogadores do FC Paços de Ferreira Categoría:Xogadores do Vitória SC Categoría:Xogadores do CD Nacional Categoría:Xogadores do CD Mirandés