Alberto Cabada Fernández, nado en Sarria o 4 de xullo de 1966, é un matemático galego, decano da Facultade de Matemáticas da Universidade de Santiago de Compostela dende o 1 de maio de 2025.
Traxectoria Estudou no colexio Frei Luis de Granada de Sarria e realizou o bacharelato no instituto de Sarria. Licenciouse en matemáticas pola Universidade de Santiago de Compostela. Doutor pola mesma universidade coa tese El método monótono para problemas de frontera no ano 1992, dirixida por Juan José Nieto Roig.
Catedrático de Análise Matemática da USC, en 2025 foi elixido decano da Facultade de Matemáticas da Universidade de Santiago de Compostela, sucedendo a Elena Vázquez Cendón..
A súa actividade investigadora céntrase principalmente no estudo cualitativo de solucións de Ecuacións Diferenciais Ordinarias, con especial fincapé nas propiedades das denominadas funcións de Green. É autor de numerosos artigos en revistas especializadas de matemáticas e computación.
Notas
Categoría:Matemáticos de Galicia Categoría:Nados en 1966 Categoría:Nados en Sarria Categoría:Profesores da Universidade de Santiago de Compostela Categoría:Personalidades de Galicia sen imaxes Categoría:Alumnos da Universidade de Santiago de Compostela