Dimitrie Alexandru Sturdza, nado en Miclăuşeni, Moldova Occidental, o 25 de febreiro de 1833 e finado en Bucarest o 8 de outubro de 1914, foi un político, escritor, historiador e numismático romanés.

Sturdza era membro da aristocracia. Foi presidente da Academia Romanesa e, como político, accedeu ao cargo de primeiro ministro de Romanía baixo o reinado de Carlos I.

Traxectoria Primeiros anos e formación Nado en Miclăuşeni, Moldova, e educado en Iași, na Academia Mihăileană, continuou os seus estudos en Alemaña, nas universidades de Múnic, Gotinga, Bonn e Berlín.Gilman, D. C. et al., (eds.) (1905). Participou nos movementos políticos da época.

Carreira política miniatura|274x274px|esquerda|Dimitrie Sturdza na súa xuventude.Luceafarul. Ano VIII. Nº 4. 16 de febreiro de 1909. Páxina 89.Sturdza foi secretario privado do príncipe Alexandru Ioan Cuza durante os primeiros anos do seu reinado,Gaster, M. (1911). época na que tamén ocupou dous cargos ministeriais no Goberno moldovo (Ministro de Cultos e Educación, en 1859, e Ministro de Obras Públicas, en 1861). Posteriormente volveuse contra o Goberno cada vez menos sancionado de Cuza e converteuse nun dos máis ferventes promotores do seu derrocamento. En 1866, uniuse a Ion C. Brătianu e a outros na deposición de Cuza e na elección do príncipe Carlos de Hohenzollern (máis tarde rei Carlos I de Romanía).

Foi membro fundador do Partido Nacional Liberal (1875). Nos gabinetes de Brătianu (entre 1876 e 1888, ocupou diversos cargos ministeriais. En 1892 foi elixido líder do Partido Nacional Liberal en sucesión de Brătianu, e ocupou en catro períodos o cargo de primeiro ministro."România a avut un prim-ministru cu patru mandate, nebun cu acte. Povestea lui Dimitrie Alexandru Sturdza care lătra la şedinţele cu miniştrii". En Adevarul.ro. 11 de marzo de 2016. Durante o seu derradeiro mandato, en 1907, Sturdza foi chamado polo rei Carlos I para xestionar a crise creada pola revolta labrega de marzo.

+Cargos de responsabilidade política Stelian Neagoe (1995). Istoria guvernelor României: de la începuturi - 1859 până în zilele noastre - 1995. Ed. Machiavelli, Bucarest. ISBN 9789739659970CargoPeríodo Presidente do Partido Nacional Liberal20 de novembro de 1892 - 11 de xaneiro de 1909Deputado1866 - 1876Senador1866 - 1876Presidente do Senado20 de febreiro de 1897 - 31 de marzo de 1897Ministro de Obras Públicas11 de febreiro de 1867 - 21 de febreiro de 186724 de xullo de 1876 - 5 de xaneiro de 18771 de agosto de 1884 - 2 de febreiro de 188522 de novembro de 1902 - 14 de novembro de 1903 (ad-interim)Ministro de Facenda18 de decembro de 1870 - 11 de marzo de 187127 de xaneiro de 1877 - 21 de febreiro de 187725 de novembro de 1878 - 16 de febreiro de 188028 de abril de 1881 - 8 de xuño de 18811 de marzo de 1888 - 20 de marzo de 18889 de xaneiro de 1902 - 18 de xullo de 1902Ministro de Asuntos Exteriores1 de agosto de 1882 - 2 de febreiro de 18854 de outubro de 1895 - 19 de novembro de 189631 de marzo de 1897 - 30 de marzo de 189914 de febreiro de 1901 - 9 de xaneiro de 190212 de decembro de 1904 - 20 de decembro de 1904 (ad-interim)12 de marzo de 1907 - 27 de decembro de 1908Ministro de Cultura e Instrución Pública2 de febreiro de 1885 - 1 de marzo de 1888Presidente do Consello de Ministros4 de outubro de 1895 - 19 de novembro de 189631 de marzo de 1897 - 30 de marzo de 189914 de febreiro de 1901 - 20 de decembro de 190412 de marzo de 1907 - 27 de decembro de 1908Ministro do Interior15 de xaneiro de 1896 - 3 de febreiro de 1896 (ad-interim)Ministro de Agricultura, Industria, Comercio e Desenvolvemento Rural29 de xaneiro de 1899 - 30 de marzo de 1899 (ad-interim)14 de novembro de 1902 - 22 de novembro de 1902Ministro da Guerra14 de febreiro de 1901 - 20 de decembro de 1904

Sturdza tiña ideoloxía nacionalista e amosábase resentido cos estranxeiros, consonte a liña antixudía do seu partido); era partidario do bloqueo dos non romaneses para o acceso a un gran número de cargos sociais. Destacou como un notorio antisemita, que apoiaba medidas como a expulsión dos xudeus romaneses, e era coñecido pola súa oposición á naturalización dos xudeus en Romanía. Foi responsable do exilio dos intelectuais xudeus romaneses Moses Gaster e Lazăr Şăineanu.Manolescu, N. (2014). "Moses Gaster, o figură pe nedrept uitată". En Adevarul.ro. 12 de setembro.

Numismático e académico Dimitrie Sturdza dedicouse tamén aos estudos de carácter histórico e foi ademais unha das autoridades máis recoñecidas da numismática romanesa do seu tempo."Numismatica în România: A doua jumătate a secolului al XIX-lea şi începutul secolului următor". En Numismatica în România. A súa erudición levouno a ser membro da Academia Romanesa en 1871,"Membrii Academiei Române din 1866 până în prezent". Academia Română (Acad.ro). entidade da que foi nomeado secretario permanente, e en tal condición contribuíu decisivamente á publicación das coleccións de documentos históricos realizadas por Constantin Hurmuzachi (30 volumes, Bucarest, 1876-1897) e doutras actas e documentos, así como dunha serie de panfletos políticos menores de valor transitorio.

Sturdza finou o 8 de outubro de 1914 nun hospital psiquiátrico, como consecuencia dunha doenza adquirida durante a súa etapa como primeiro ministro.

Publicacións Esta é unha escolma dos traballos publicados por Moisil ao longo da súa traxectoria:"Bibliografia românească modernă". Old.biblacad.ro"Dimitrie Alexandru Sturdza". Books.google.com miniatura|Portada dunha edición de discursos de Sturdza (1904).|321x321px (1874). Memoriu asupra portreteloru domniloru români. Bucarest. (1878). Marche progressive de la Russie sur le Danube. Viena. (1872). "Übersicht der Münzen und Medaillen des Fürstentums Rumänien (Moldau und Walachai)". En Numismatische Zeitschrift. 4. Páxinas 44-129. (1877). Convenţiunea cu Rusia. Discurs rostit în Senat în aprilie 1877. Bucarest. (1878). Basarabia şi Dobrogea. (1879). Bibliografia numismaticii româneşti. (1889). Banca Naţională şi reforma monetară. Bucarest. (1889-1900). Actes et documents relatifs a l'histoire de la régénération de la Roumanie. Tomo I (1889); Tomo II (1889); Tomo III (1889); Tomo IV (1889); Tomo V (1890); Tomo VI-I (1896); Tomo VI-II (1896); Tomo VII (1892). Tomo VIII (1900). Bucarest. (1890). Europa, Russia, Romania: studiu etnic şi politic. Bucarest. (1892). Istoria şi conservatorii. Bucarest. (1899). La question des portes de fer et des cataractes du Danube. Berlín. (1899 e segtes.). Charles I-er roi de Roumanie. Chroniques-Actes-Documents. Bucarest. (1904). Patru cuvântări din 1901 și 1904. Bucarest. (1904 e sgtes.). Receuil de documents relatifs a la liberté de navigation de Danube. Berlín. (1905). L'activité de l'Académie roumaine de 1884 à 1905. Bucarest. (1906). Domnia Regelui Carol I: fapte, cuvântări, documente. Bucarest.

(1907). Patruzeci şi doi de ani de domnie a Regelui Carol I. Bucarest. (1911). Însemnătatea divanurilor ad-hoc din Iaşi şi Bucureşti în istoria renascerii României. Bucarest (1914). Memoriu asupra legilor agrare din România. Bucarest.

Notas

Véxase tamén

Bibliografía Damean, M. (2015). Personalitatea omului politic Dimitrie A. Sturdza. Cetatea de Scaun, Târgovişte. ISBN 978-606-537-141-5 Gaster, M. (1911). "5. Demetrius [Dimitrie] Sturdza". En Chisholm, H. (ed.). Encyclopædia Britannica (11ª ed.). Cambridge University Press. Gilman, D. C. et al., (eds.) (1905). "Sturdza, Demeter". En New International Encyclopedia (1ª ed.). Dodd, Mead, Nova York. Gilman, D. C. et al., (eds.) (1916). "Sturdza, Demeter". En New International Encyclopedia (2ª ed.). Páxinas 611-612. Dodd, Mead, Nova York.

Categoría:Nados en 1833 Categoría:Finados en 1914 Categoría:Nados en Iași Categoría:Deputados de Romanía Categoría:Senadores de Romanía Categoría:Ministros de Romanía Categoría:Primeiros ministros de Romanía Categoría:Numismáticos de Romanía Categoría:Historiadores de Romanía Categoría:Antisemitismo