Wolfgang Fischer-Bossert, nado en Tubinga en 1965, é un arqueólogo clásico e numismático alemán, especializado na moeda da antiga Grecia."Fischer-Bossert, Wolfgang (1965-)". Propylaeum-Vitae (sempub.ub.uni-heidelberg.de).
Traxectoria Wolfgang Fischer-Bossert é fillo de Eva-Maria Bossert (1925-2013) e do prehistoriador Franz Fischer (1925-2016).
Logo de cursar a súa educación secundaria no Uhland-Gymnasium de Tubinga, en 1984 comezou os seus estudos de Arqueoloxía Clásica, Historia Antiga e Arqueoloxía Bíblica e Cristiá na Universidade Eberhard Karls de Tubinga, que continuou posteriormente na Universidade de Colonia e na Universidade de Bonn. En 1990 acadou o seu mestrado en Tubinga e en 1994 o seu doutoramento en Bonn,"The ANS Announces 2022 Huntington Medal Award to Wolfgang Fischer-Bossert ". American Numismatic Society (Numismatics.org). 1 de xuño de 2023. cunha tese titulada Chronologie der Didrachmenprägung von Tarent, 510-280 v. Chr. ("Cronoloxía da cuñaxe de didracmas de Tarento, 510-280 a.C.").
Para o curso 1994-1995 recibiu a bolsa de viaxe do Instituto Arqueolóxico Alemán, e entre 1996 e 2000 foi relator no departamento de Atenas deste Instituto. De 2002 a 2005, Fischer-Bossert beneficiouse de bolsas de investigación da Fundación Alemá de Investigación (DFG) e da Fundación Gerda Henkel. Entre 2006 a 2014 dedicouse ao comercio numismático en Múnic, en Zürich e en Chicago. A partir de 2015 comezou a involucrarse en diversos proxectos de investigación en Viena, e en 2018 habilitouse para a docencia na Universidade de Viena, e exerce como profesor no Departamento de Numismática e Historia Monetaria desta Universidade."Dr. Wolfgang Fischer-Bossert, Privatdoz. MA". Universität Wien.
Desde 2016 é membro investigador da Academia Austríaca de Ciencias,"Wolfgang Fischer-Bossert". ORCID.org no Instituto para o Estudo da Cultura Antiga.
Como arqueólogo, entre 1987 e 1989 e, posteriormente, en 1992, Fischer-Bossert participou na escavación de Ḫattuša, Turquía, e de 1998 a 2003 na escavación de Karatepe, que fora descuberta polo seu avó materno Helmuth Theodor Bossert en 1946.
En outubro de 2022 foi profesor invitado na Universidade de Orleáns, en Francia.
Entre outras entidades académicas e sociedades eruditas, Fischer-Bosser é membro do Instituto Arqueolóxico Alemán e do Instituto Arqueolóxico Austríaco."Wolfgang Fischer-Bossert". Österreichisches Archäologisches Institut (OAI.ac.at).
Recoñecementos 2022: Medalla Huntington, da American Numismatic Society, de Nova York."2022 Huntington Award to Wolfgang Fischer-Bossert, "Issuing Authority and Legal Tender in the Hellenistic World: Greek Exile Coinages" ". American Numismatic Society (Numismatics.org). 2024: Medalla Eckhel, da Sociedade Numismática Austríaca."Eckhel-Medaille". Österreichische Numismatische Gesellschaft (Oeng.at).
Publicacións Wolfgang Fischer-Bossert é autor de decenas de artigos, recensións e colaboracións en obras colectivas. Estes son os traballos monográficos máis representativos publicados por el ao longo da súa traxectoria:"PD Dr. Wolfgang Fischer-Bossert. Publikationen". Österreichische Akademie der Wissenschaften (oeaw.ac.at)."Fischer-Bossert Wolfgang". iDAI.bibliography zenon. Deutsches Archäologisches Institut (zenon.dainst.org)."Wolfgang Fischer-Bossert". Oeaw.academia.edu"Dr. Wolfgang Fischer-Bossert". Scholar.google.com
(1999). Chronologie der Didrachmenprägung von Tarent 510–280 v. Chr. De Gruyter, Berlín / Nova York. ISBN 3-11-016318-7
(2008). The Athenian decadrachm. American Numismatic Society, Novaw York. ISBN 9780897223096 (2013). Coins of the Holy Land. The Abraham and Marian Sofaer Collection at the American Numismatic Society and the Israel Museum (con Y. Meshorer e G. Bijovsky). American Numismatic Society, New York. (2017). Coins, Artists, and Tyrants. Syracuse in the Time of the Peloponnesian War. American Numismatic Society, New York. ISBN 978-0-89722-341-6 (2020). Bemerkungen zum griechischen Münzrelief. Benaki Museum / Kikpe, Atenas. ISBN 978-960-476-278-1 (2020). Cista mystica. Festschrift für Wolfgang Szaivert (con M. Baer e N. Schindel, eds.). Österreichische Forschungsgesellschaft für Numismatik, Viena. ISBN 978-3-9504268-2-3 (2020). White Gold. Studies in Early Electrum Coinage (P. van Alfen, U. Wartenberg et al. eds.). American Numismatic Society, Nova York. ISBN 978-0-89722-379-9.
Notas
Categoría:Nados en 1965 Categoría:Nados en Tubinga Categoría:Arqueólogos de Alemaña Categoría:Numismáticos de Alemaña Categoría:Galardoados coa medalla Huntington Categoría:Galardoados coa medalla Eckhel Categoría:Membros do Instituto Arqueolóxico Alemán Categoría:Alumnos da Universidade de Tubinga Categoría:Alumnos da Universidade de Colonia Categoría:Alumnos da Universidade de Bonn Categoría:Profesores da Universidade de Viena Categoría:Personalidades sen imaxes