Eduardo Urgorri Casado, nado en Coruña o 21 de maio de 1921 e finado en Pontevedra o 28 de setembro de 1997, foi un mariño e político galego.
Traxectoria
Fixo os primeiros estudos na Coruña. Co golpe de Estado do 18 de xullo de 1936 enrolouse como mariñeiro voluntario no exército sublevado. Ao rematar a guerra estudou Dereito na Universidade de Santiago de Compostela. En 1947 ingresou no corpo de inspectores de Traballo e foi destinado a Cidade Real. Pasou despois a Lugo e foi subxefe provincial do Movimiento. Foi delegado de Traballo en Badaxoz (1963-1969). Delegado xeral de Mutualidades en Madrid (1969), foi subdirector xeral do Ministerio de Traballo e inspector xefe de delegacións do ministerio. Procurador en Cortes pola representación de familia de Lugo (1971-1977). Xubilouse en 1990 e pasou a vivir en Pontevedra. Notas
Véxase tamén Bibliografía
Categoría:Falanxistas Categoría:Procuradores en Cortes galegos Categoría:Nados na Coruña Categoría:Nados en 1921 Categoría:Finados en 1997