Pearl Jam Twenty (tamén coñecido como PJ20) é un documental estadounidense de 2011 dirixido por Cameron Crowe sobre a banda Pearl Jam. A rodaxe preliminar xa estaba en marcha en xuño de 2010. Crowe rematou a rodaxe en abril de 2011, despois de usar 12 000 horas de material da banda para o documental. A película estreouse no Festival Internacional de Cine de Toronto de 2011 e tamén contou cun libro e unha banda sonora que a acompañan.
O documental percorre a historia da banda, dende a desaparición de Mother Love Bone, pasando pola súa batalla contra Ticketmaster e a traxedia do Festival de Roskilde no ano 2000.
O filme foi exhibido en salas seleccionadas dos Estados Unidos durante o mes de setembro de 2011, e estreouse o 21 de outubro de 2011 na serie American Masters da PBS. Foi publicado en DVD e Blu-ray o 24 de outubro de 2011. Ademais, publicouse un libro escrito por Jonathan Cohen coincidindo co lanzamento do filme.
Notas
Categoría:Pearl Jam Categoría:Documentais de rock Categoría:Filmes de 2011