A dinastía XXIV gobernou Exipto entre o ano 727 e o 715 a. C., durante o Terceiro Período Intermedio. Os seus dous únicos gobernantes son coetáneos de dignatarios das dinastías XXII, XXIII e XXV.
Historia Tafnajt organizou unha alianza de gobernantes do delta, cos que intentou conquistar o Alto Exipto. A súa campaña alertou ao rei de Nubia, Piye, que perseguiu unha vitoria sobre Tafnajt de Sais e os seus aliados, e rexistrouna nunha famosa inscrición. Tafnajt foi coñecido como o "Gran Xefe de Occidente" na Estela da Vitoria de Piye e en dúas estelas datadas nos anos 36 e 38 do reinado de Sheshonq V.
Bakenrenef, sucesor de Tafnajt, asumiu definitivamente o trono de Sais baixo o verdadeiro nome de Uahkara. A súa autoridade foi recoñecida en gran medida polo delta do Nilo, incluso en Menfis, onde se atoparon varias estelas, no Serapeum de Saqqara, 5º e 6º ano do seu reinado. Esta dinastía rematou cando Shabaka, segundo rei do dinastía XXV, ataca Sais, captura a Bakenrenef e quéimao vivo.
Faraóns Nome comúnNome Nesut-BityNome de Sa-RaComentariosReinarTecnactisShepsesraTefnakht727 - 720 a. C.BoccorisUahkaraBakenrenef720 - 715 a. C.
Cronoloxía Cronoloxía estimada polos seguinte exiptólogos:
Primeiro faraón: Tafnajt 740 - 718 (von Beckerath) 731 - 723 (Dodson) 727 - 716 (Grimal0 724 - 717 (Redford)
Último faraón: Bakenrenef 727 - 715 (Shaw) 723 - 717 (Dodson) 718 - 712 (von Beckerath) 717 - 711 (Redford) 716 - 715 (Grimal)
24