San Pedro de Mor é unha parroquia do concello de Alfoz do Castrodouro. No ano 2020 tiña 467 habitantes (225 homes e 242 mulleres), distribuídos en 15 entidades de poboación, cunha densidade de 127,6 hab./km². Acolle a aldea da Seara, o principal núcleo do concello de Alfoz do Castrodouro dende 1990, e onde vive a cuarta parte da poboación do municipio.
Limita ao norte coa parroquia de Ferreira (O Valadouro), ao sur e ao oeste con Lagoa e ao leste co Castrodouro.
Patrimonio A primeira mención histórica desta parroquia data do ano 1164, cando o conde Álvaro e maila súa muller Sancha subscribiron unha escritura de cambio co bispo Pedro I e co prior, pola cal aqueles cedían a estes a igrexa de San Pedro de Mor e outras máis.
A parroquia ten un volume considerable de cruceiros.
Lugares e parroquias Lugares de San Pedro de Mor
Parroquias de Alfoz do Castrodouro
Notas
Categoría:Parroquias de Alfoz do Castrodouro Categoría:Parroquias de Galicia baixo a advocación de san Pedro