Kotor (en cirílico Котор), é unha pequena cidade de 13.510 habitantes, pertencente á república de Montenegro, situada na costa adriática. É capital do concello homónimo. Antiga cidade mariñeira, está circundada por unha impoñente muralla, aínda ben conservada. Está incluída na Lista do Patrimonio da Humanidade da UNESCO.
Xeografía A urbe érguese nas denominadas Bocas de Kotor (Boka Kotorska), unha articulada serie de profundas baías, que penetran uns 30 km no interior continental, perfectamente protexidas do mar aberto, que forman o maior porto natural do mar Adriático e que lembran, pola seus rebordes montañosos, os fiordes noruegueses. Kotor sitúase ao pé do macizo do monte Lovcen (1.749 m). Ao tempo as Bocas de Kotor constitúen unha das paisaxes máis encantadoras do mar Mediterráneo, que garante á zona un afluxo turístico en costante aumento.
Historia Entre 1420 e 1797, Kotor e a rexión circundante pertenceron á República de Venecia, que a denominaron Cattaro, e a influencia véneta é aínda visíbel na arquitectura da cidade. Durante ese tempo foron rexeitados ataques otomáos en 1539 e 1657, aínda que ocuparían outras cidades das Bocas, o que deprimíu o até entón floreciente comercio dos ribeiráns.
Patrimonio monumental Catedral de san Trifón (Sveti Tripun), católica, a parte máis antiga é da segunda metade do século XII; entanto a fachada é do século XVII. Igrexa de San Lucas, ortodoxa. Cidadela de San Xoán (Sveti Ivan), sita a 260 m de altura, dominando a cidade. Pazo Grgurina, do século XVIII, convertido en ''Museo da Mariña. Praza de Armas. Murallas de Kotor.
Notas
Véxase tamén
Obras venecianas de defensa dos séculos XV ao XVII: Stato da Terra – Stato da Mar occidental Rexión Natural e Cultural-Histórica de Kotor Patrimonio da Humanidade en Montenegro Ligazóns externas Páxina oficial Visit-Montenegro: Kotor-History UNESCO: Natural and Culturo-Historical Region of Kotor Boka Kotorska Photo Gallery Tourist Presentation of Kotor Old Town Map (1944px × 2592px 851.58 Kb JPG)
Kotor Categoría: Patrimonio da Humanidade en Montenegro