Abel Ares Pérez, nado en Toural dos Vaos o 29 de marzo de 1909 e finado na mesma vila o 12 de setembro de 1998, foi un guerrilleiro antifranquista berciano.
Traxectoria
Militante socialista, participou na folga xeral revolucionaria de 1934 e pasou un tempo na cadea. Co golpe de Estado do 18 de xullo de 1936 participou na defensa de Fabeiro e combateu co exército republicano na fronte de Asturias, chegando ao grao de tenente. Tras a caída de Asturias volveu ao seu lugar natal, pasou varios meses agochado nun burato nos arredores de Toural dos Vaos, e posteriormente organizou unha partida guerrilleira que actuou no Bierzo occidental. En 1942 foi un dos dirixentes guerrilleiros que constituíron a Federación de Guerrillas de León-Galicia, Abel permaneceu como axudante de César Ríos quen estaba ao mando da I Agrupación. En decembro de 1948 decidiu marchar a Francia ao considerar que non había opción para o triunfo dos guerrilleiros. En Francia traballou como albanel e en 1992 volveu ao Bierzo. Véxase tamén Bibliografía
Máiz, Bernardo (1988): Galicia na II República e baixo o franquismo. Ed. Xerais. Macías, Santiago (2005): El monte o la muerte. Temas de Hoy.
Categoría:Guerrilleiros antifranquistas Categoría:Nados en 1909 Categoría:Finados en 1998 Categoría:Nados en Toural dos Vaos Categoría:Personalidades sen imaxes