Pedro Antonio Sánchez Vaamonde, nado o 10 de abril de 1749 na parroquia de Santaia de Curtis (Curtis) e finado o 4 de outubro de 1806 en Santiago de Compostela, foi un relixioso e escritor, destacado ilustrado do século XVIII.
Traxectoria Naceu nunha familia de alta fidalguía, e foi posuidor de varios morgados. Ademais, tiña numerosos bens na Comarca de Bergantiños. Casou con María Josefa Varela y Figueroa, tamén dona de importantes leiras rústicas e inmobles urbanos. Tras estudar en diversas facultades, obtivo as cátedras de Retórica e Teoloxía. Foi director de estudos do Colexio de Fonseca. O arcebispo Alejandro Bocanegra encomendoulle a dirección da Biblioteca Arcebispal compostelá (1779) e nomeouno primeiro fiscal e despois xuíz eclesiástico da diocese.
Foi cofundador da Real Sociedade Económica de Amigos do País de Santiago (1784) e presidiuna en 1789. Creou en Curtis unha escola de primeiras letras no ano 1798 —doando un edificio e unha dotación económica— e unha academia de debuxo en Santiago de Compostela. Cos seus cartos construíronse os baños minerais de Bea e fixéronse as análises das súas augas, así como as de Caldas de Reis. Axudou a sufragar unha estrada e a Casa de Misericordia de Santiago, que estaba en estado lamentable, e financiou tamén os estudos a varios mozos. Fundou a Biblioteca do Real Consulado do Mar da Coruña (1806), para a cal o cóengo doou aproximadamente uns 4 500 libros, aínda que foi acrecentándose e chegou a ter un fondo duns 30 000 exemplares.
Publicou varios libros sobre curtidos, gandaría e comercio. Un dos seus proxectos máis importantes foi facer navegábel o río Miño, coa finalidade de que os barcos puidesen transportar viño e outras mercadorías desde Ourense até o océano Atlántico., Diccionario biográfico español .
Estaba a favor do réxime feudal tradicional e propugnou o mantemento de diferenzas educativas entre os estamentos privilexiados e a clase popular. miniatura|200px|page=365|"Memoria n.º XIII.º". Unha rúa da cidade da Coruña leva o seu nome dende o ano 2013.«Una calle recuerda al inspirador de las bibliotecas locales...» El Ideal Gallego, 5/6/2013 .
Obras Discurso sobre la eloquencia sagrada en España, Madrid, 1778. Oracion fúnebre que en las exequias que celebró la Real Sociedad económica, Madrid, 1786. Memoria sobre los ganados de Galicia considerados relativamente a la economía política, Madrid, 1802. Respuesta al canónigo de Lugo D. Joaquín Antonio del Camino, Madrid, 1805. Memoria sobre la policia y régimen de los abastos de la ciudad de Santiago, Madrid, 1806. Capítulos en obras colectivas "Memoria n.º XIII.º", incluída en Coleccion de las Memorias premiadas, Madrid, 1784.p. 327-368 en Coleccion de las Memorias premiadas… Tratan del exercicio de la caridad y socorro de los verdaderos pobres, corrección de los ociosos, destierro de la mendicidad voluntaria…, Madrid, 1784. Sobre el Carta crítica al Dr. D. Pedro Antonio Sánchez, Madrid, 1806, de Francisco Rodríguez de Ledesma. Póstumas Apología en favor de la Santa Iglesia de Santiago, Santiago de Compostela, 1813. Colección de los escritos del Dr. D. Pedro Antonio Sánchez, canónigo de la Santa Iglesia Metropolitana de Santiago, Madrid, 1858.Na Imprenta de Manuel Minuesa, de 417 páxinas. La economía gallega en los escritos de Pedro Antonio Sánchez, Vigo, 1973.
Galería de imaxes
Notas
Véxase tamén
Bibliografía
Outros artigos Casa do Consulado
Ligazóns externas Real Sociedad Económica de Amigos del País de la ciudad de Santiago , Isabel (25/3/2018). El ilustrado Sánchez Vaamonde" La Opinión A Coruña .
Categoría:Escritores de Galicia en lingua castelá Categoría:Historiadores de Galicia Categoría:Nados en Curtis Categoría:Nados en 1749 Categoría:Finados en 1806 Categoría:Escritores de Galicia coa obra no dominio público Categoría:Filántropos de Galicia Categoría:Sacerdotes católicos de Galicia Categoría:Alumnos da Universidade de Santiago de Compostela Categoría:Catedráticos da Universidade de Santiago de Compostela Categoría:Economistas de Galicia Categoría:Ilustración (corrente intelectual)