O Athletic Club Emakumeen Futbol Taldea (en éuscaro, Athletic Club Equipo de Fútbol Feminino) é un club español de fútbol feminino da cidade de Bilbao, sección feminina do Athletic Club. Creouse en 2002, tras a unión co Leioa EFT, club fundado en 2000 que militaba na Superliga, máxima categoría da liga femenina española. Na súa tempada de debut, as leoas lograron conquistar o campionato de liga, enchendo o estadio de San Mamés con 35.000 espectadores na xornada decisiva do torneo. Logo virían dous títulos máis gañados de forma consecutiva e un cuarto en 2007, situándose como un dos clubs máis laureados da Superliga con catro títulos. O equipo feminino, ao igual que o masculino, só xoga con xogadoras nadas ou formadas no País Vasco. Conta cun segundo equipo, o Athletic Club EFT B. Cabe destacar entre as súas xogadoras a Iraia Iturregi, a primeira na historia que disputou 100 partidos co Athletic.
Palmarés Superliga Española (4): 2002-03, 2003-04, 2004-05, 2006-07.
Notas
Categoría:Equipos de fútbol feminino de España Categoría:Athletic Club