miniatura|Papeleta dos candidatos do PP ao Congreso por Pontevedra, nas Eleccións Xerais de 2016. Irene Garrido Valenzuela, nada en Madrid o 29 de marzo de 1960, é unha economista e política galega do PPdeG.
Traxectoria Aos dez anos trasladouse a Vigo. Licenciouse e doutorouse en Economía pola Universidade de Santiago de Compostela en 1990 coa tese Descripción dunha teoría sobre as interrelacións empíricas de estacionalidade. Os retardos e a análise da intervención como base de estudio.La Voz de Galicia, 21-3-1990, p. 26. Conseguiu a praza de profesora titular nesa mesma área na Universidade de Vigo, onde foi directora do departamento de Economía financeira e Contabilidade. Foi coordinadora dos cursos da UIMP en Pontevedra.La Voz de Galicia, Pontevedra, 2-7-2006, p. L8. En 2010 foi designada como representante do Partido Popular no consello de administración de Caixanova.
En 2011 concorreu nas listas do PPdeG ao Congreso dos Deputados pola provincia de Pontevedra, e resultou elixida. Logo de tres anos na cámara baixa foi designada presidenta do Instituto de Crédito Oficial, a primeira muller en ostentar ese cargo na historia da institución de financiamento público. Un ano despois dimitiu para presentarse de novo na candidatura do PPdeG pola provincia de Pontevedra, neste caso nas xerais de 2015, nunha lista que foi encabezada tamén por tres mulleres, Ana Pastor de número 1, Garrido de 2, e Pilar Rojo de 3.
Revalidou a posición nas listas nas eleccións xerais de 2016, e volveu saír deputada. A finais dese ano foi escollida para ocupar o posto de Secretaria de Estado de Economía e Apoio á empresa, no ministerio de Economía dirixido por Luis de Guindos. Foi substituída por Ana de la Cueva o 19 de xuño de 2018.
Vida persoal É irmá de Fernando Garrido Valenzuela, quen fora deputado e conselleiro da Xunta, e que en 2011 era presidente do Padroado do Parque Nacional das Illas Atlánticas. Tamén é irmá de Javier Garrido Valenzuela, quen foi presidente dos promotores inmobiliarios de Galicia. Ademais é curmá de Alfonso Rueda.
Casou con José Luis Beltrán Varandela.
Notas
Véxase tamén
Outros artigos Lista de deputados galegos no Congreso desde a Transición Ligazóns externas Ficha no sitio web do Congreso dos Deputados
Categoría:Deputados do Congreso dos Deputados polo PP Categoría:Deputados no Congreso dos Deputados pola provincia de Pontevedra Categoría:Nados en Madrid Categoría:Alumnos da Universidade de Santiago de Compostela Categoría:Profesores da Universidade de Vigo Categoría:Nados en 1960 Categoría:Grandes cruces da Orde do Mérito Civil Categoría:Deputados no Congreso dos Deputados (X Lexislatura) Categoría:Deputados no Congreso dos Deputados (XI Lexislatura) Categoría:Deputados no Congreso dos Deputados (XII Lexislatura) Categoría:Deputados no Congreso dos Deputados (XV Lexislatura)