Evaristo Nogueira Pol, nado en Santiago de Compostela o 3 de maio de 1964, é un avogado e político galego, que foi senador independente nas listas do PPdeG.
Traxectoria Fillo do tamén destacado avogado Evaristo Nogueira Romero, Nogueira Pol licenciouse en dereito pola Universidade de Santiago de Compostela. Avogado no despacho familiar, chegou a ser decano do Ilustre Colexio de Avogados de Santiago de Compostela.
Durante a VIII lexislatura, en 2004, foi un dos escollidos polo Partido Popular para integrar a candidatura ao senado pola provincia da Coruña, se ben como independente. Sae elixido, pero en 2008 opta por non presentarse á reelección e abandona a Cámara Alta para regresar ás súas tarefas na avogacía.
É vogal do Consello Social da Universidade de Santiago.
Foi durante quince anos decano do Colexio de Avogados de Santiago e tamén conselleiro do Consello da Avogacía Galega, do Consello Xeral da Avogacía española. En 2016, foi escollido presidente do Consello da Avogacía Galega.
Recoñecementos
En 2017 recibiu, do Ministerio de Xustiza, a Cruz da Orde de San Raimundo de Peñafort, o máximo recoñecemento en España a un xurista.
Notas
Véxase tamén Outros artigos Lista de senadores galegos desde a Transición Ligazóns externas Ficha no Senado.
Categoría:Avogados de Santiago de Compostela Categoría:Senadores pola Coruña Categoría:Políticos do PPdeG Categoría:Nados en Santiago de Compostela Categoría:Nados en 1964 Categoría:Alumnos da Universidade de Santiago de Compostela Categoría:Personalidades de Galicia sen imaxes