José Manuel Castro Blanco, nado nos Blancos en 1969, é un político galego.
Traxectoria Concelleiro nos Blancos por Terra Galega, figuraba como número 2 na candidatura Alternativa Popular Galega (APGA) que encabezaba o alcalde Juan Antonio Lama Barreiro de cara ás eleccións municipais de 2011, pero ante o ingreso deste no hospital finalmente foi el quen encabezou a lista. Nos comicios houbo un empate a votos entre Alternativa Popular Galega e o PPdeG o cal nun principio se resolveu mediante un sorteo que lle deu o concelleiro en disputa ao PPdeG. Porén, dado que nunha das mesas se contabilizaran 422 votantes, e no escrutinio só apareceron 421 votos, os resultados da mesa foron impugnados. O Tribunal Superior de Xustiza de Galicia anulou o resultado e ordenou repetir as eleccións nesa mesa, e o Consello de Ministros fixou a data do 20 de novembro (coincidido coas eleccións xerais). O resultado foi a vitoria da APG e polo tanto José Manuel Castro foi elixido alcalde.
O outubro do 2014 deixou o seu partido independente, Alternativa Popular Galega, e uniuse o Partido Popular. Nas eleccións municipais de 2015, xa sendo do Partido Popular, volveu gañar con maioría absoluta, con 6 concelleiros, fronte a 1 do PSdeG. Nas municipais de 2019 revalidaría a alcaldía con 5 concelleiros fronte a 2 do PSdeG. En 2023 foi reelixido con 6 concelleiros de 7.
Notas
Véxase tamén Outros artigos Eleccións municipais nos Blancos
Ligazóns externas Entrevista en La Voz de Galicia Web da Alternativa Popular Galega
Categoría:Alcaldes dos Blancos Categoría:Alcaldes de Galicia de candidaturas independentes Categoría:Alcaldes de Galicia durante a democracia Categoría:Nados nos Blancos Categoría:Nados en 1969 Categoría:Personalidades de Galicia sen imaxes