Brisingr é o terceiro libro do Inheritance Cycle de Christopher Paolini e a secuela de Eldest. Foi lanzado o 20 de setembro de 2008. Orixinalmente, Paolini tiña pensado presentar o Inheritance Cycle en tres libros, pero durante a creación do terceiro decidiu que a serie era demasiado complexa para comprimila toda nun libro. A versión de luxo de Brisingr, na que se inclúen escenas eliminadas e curiosidades, foi estreada o 13 de outubro de 2009.
Brisingr céntrase na historia de Eragon e a súa dragona Saphira a medida que continúan a súa viaxe para derrocar ó gobernante corrupto do Imperio, Galbatorix. Eragon é un dos derradeiros Xinetes de Dragón, un grupo que gobernou o mundo ficticio de Alagaësia, que é o lugar onde ocorren tódolos feitos. Brisingr comeza no punto inmediatamente despois no que conclúe a anterior, Eldest.
Notas
Véxase tamén Ligazóns externas Web oficial Wiki de Inheritance
Categoría:Novelas en inglés Categoría:Literatura infantil e xuvenil Categoría:Obras literarias de 2008