José Luis Peláez Casalderrey, nado en Pontevedra o 10 de xaneiro de 1924 e finado na mesma cidade o 20 de marzo de 2012, foi un mestre, enxeñeiro e político galego.
Traxectoria Fillo de Casiano Peláez Merino. Fixo os primeiros estudos nos maristas e no Instituto de Pontevedra. Despois da guerra civil estudou maxisterio na Escola Normal de Pontevedra. Cursou a carreira de enxeñeiro de montes de 1947 a 1952, na que se doutorou en 1962. Ingresou no corpo de Enxeñeiros de Montes en 1953, sndo o seu primeiro destino o distrito forestal de Logroño. Traballou como enxeñeiro do Instituto para a Conservación da Natureza (ICONA), foi presidente da Cámara Agraria Provincial e exerceu como alcalde accidental de Pontevedra dende o 24 de xullo de 1959, en vésperas da toma de posesión do cargo de Xosé Filgueira Valverde. Foi presidente da Deputación de Pontevedra entre 1970 e 1979 e tamén procurador en Cortes (1970-1977). Foi delegado provincial da Consellería de Presidencia en 1987, sendo conselleiro Manuel Anxo Villanueva Cendón.
Véxase tamén
Bibliografía )
Ligazóns externas
Fallece José Luis Peláez Casalderrey, expresidente de la Diputación y figura clave de la llegada de la Uned en 1973, Faro de Vigo
Categoría:Presidentes da Deputación de Pontevedra Categoría:Procuradores en Cortes galegos Categoría:Nados en Pontevedra Categoría:Nados en 1924 Categoría:Finados en 2012 Categoría:Personalidades de Galicia sen imaxes