Bradley Emmanuel Beal Sr., nado o 28 de xuño de 1993 en St. Louis, Missouri, é un xogador de baloncesto profesional estadounidense que xoga nos Phoenix Suns da National Basketball Association (NBA).
Instituto Beal acudiu ao Chaminade College Preparatory School en St. Louis, Missouri. Competiu cos Estados Unidos no Campionato do Mundo da FIFA sub-17 de 2010, conseguindo a medalla de ouro con Beal acadando 18 puntos por partido. Durante o seu ano coma sénior no instituto, Beal fixo 32.5 puntos, 5.7 rebotes e 2.8 asistencias por partido. Ao remate desa tempada, foi elixido Mr. Show-Me Basketball de 2011, galardón entregado ó mellor xogador de baloncesto de instituto do estado de Missouri. Foi ademais nomeado Xogador do Ano Gatorade de 2011.
Traxectoria universitaria Beal decidiu ir á Universidade de Florida o 30 de novembro de 2009. No seu primeiro partido en Florida, Beal foi titular e anotou 14 puntos. Foi nomeado Freshman da Semana o 28 de novembro de 2011, tras facer 8.5 puntos, 7 rebotes, 2 asistencias e 1.5 roubos de balón nas vitorias contra Wright State e Jacksonville. Beal gañaría outros cinco premios de Freshman da Semana, e foi elixido no mellor equipo de Freshman da tempada. Beal rematou a tempada coma o segundo maior anotador do equipo con 14.8 puntos por partido.
O 13 de abril de 2012, Beal anunciou que non ía disputar a súa tempada coma sophomore, e declarou a súa intención de presentarse ó Draft da NBA de 2012.
Traxectoria profesional O 28 de xuño de 2012, Beal foi elixido na 3ª posición do Draft da NBA de 2012 polos Washington Wizards.
Notas
Véxase tamén Ligazóns externas Perfil en NBA.com Estatísticas en Basketball-Reference.com
Categoría:Nados en 1993 Categoría:Nados en St. Louis, Missouri Categoría:Xogadores de baloncesto dos Estados Unidos de América Categoría:Xogadores de baloncesto da NBA Categoría:Escoltas de baloncesto Categoría:Eleccións no Draft da NBA dos Washington Wizards Categoría:Xogadores dos Washington Wizards Categoría:Xogadores dos Phoenix Suns