miniatura|Imaxe de Xesús Triunfante facendo estación de penitencia en Elx o Domingo de Ramos. Denomínase Procesión do Domingo de Ramos de Elx ou Procesión das Palmas a celebración do primeiro día da Semana Santa ilicitana, o Domingo de Ramos, na cidade valenciana de Elx. Foi declarada festa de interese turístico internacional e nela represéntase a entrada triunfal de Xesús en Xerusalén.
Nesta procesión, decenas de miles de ilicitanos percorren as principais rúas do centro da cidade acompañando o trono de Xesús Triunfante, coñecido popularmente como o pas de la burreta. Os participantes portan palmas brancas elaboradas por familias artesás da cidade e procedentes do Palmeral de Elx.
Historia A primeira noticia desta celebración data de 1371, cando o Consell de la Vila, o consello municipal, se uniu á festividade repartindo esmolas. O comercio da palma branca xa aparece recollido nunha noticia dos libros do cabido catedralicio de 1429.
A confraría A confraría foi reorganizada en 1941 por Vicente Serrano. Tanto o trono como os aveños eran sacados polos operarios da súa fábrica. Máis tarde, a confraría foi cedida a Roberto Casanova, ata que se fixo cargo dela a Xunta Maior de Confrarías e Irmandades de Elx.
O titular O titular é Noso Señor Xesús Triunfante na súa Entrada Triunfal en Xerusalén, obra do taller de arte relixiosa de Olot. Representa o momento no que Xesús entra triunfante en Xerusalén a lombos dun burriño.
Véxase tamén
Outros artigos Semana Santa en Elx Domingo de Ramos Palmeral de Elx
Ligazóns externas Xunta Maior de Confrarías e Irmandades da Semana Santa de Elx
Categoría:Semana Santa de Elx