Warpaint é unha banda estadounidense de art rock formada no Ánxeles (California) en 2004. Os seus membros son Emily Kokal (voces, guitarra), Theresa Wayman (guitarra, voces), Jenny Lee Lindberg (baixo, voces) e Stella Mozgawa (batería, voces). Tamén pasou polo grupo a actriz Shannyn Sossamon. O antigo guitarrista de Red Hot Chili Peppers John Frusciante mesturou e masterizou o EP de estrea da banda, Exquisite Corpse, mentres saía con Emily. O seu primeiro álbum, The Fool, foi publicado o 25 de outubro de 2010. Recentemente lanzaron o seu segundo álbum de estudio, Warpaint, editado en xaneiro de 2014.
Historia Warpaint creouse o 14 de febreiro do ano 2004 na cidade dos Ánxeles. A formación orixinal estaba formada polas amigas da infancia Theresa Wayman e Emily Kokal, xunto coas irmás Shannyn Sossamon e Jenny Lee Lindberg. A banda tocou na zona dos Ánxeles durante tres anos, compoñendo temas ("Stars", "Beetles" e "Elephants") que finalmente formarían o seu EP de estrea, Exquisite Corpse. Segundo Jenny Lindberg nunha entrevista para The Guardian en 2011, a banda orixinalmente tiña o nome de World War 4 e cambiouno a Warpaint só despois de escribir a súa canción "Warpaint" (que levaban tocando anos pero que apareceu por primeira vez no seu LP The Fool). "Preguntáronme unhas cantas veces: 'Oh, por que lle puxeches [á canción] 'Warpaint'?', coma se estivésemos a chamar á canción polo noso grupo, cando en realidade é ao revés".
Exquisite Corpse O grupo comezou a gravar o seu primeiro EP en decembro do ano 2007, ao lado do produtor Jacob Bercovici. As sesións de gravación duraron dúas semanas, e remataron coa mestura e masterización do entón guitarrista de Red Hot Chili Peppers John Frusciante, que era mozo de Emily nese tempo. Warpaint auto-editou o EP no ano 2008 e este chegou rapidamente ao número 1 da lista de artistas locais de Amoeba Records. En 2009, Exquisite Corpse foi re-editado en todo o mundo a través do selo Manimal Vinyl coa aclamación da crítica. A canción "Elephants" apareceu na película independente de 2011 Siren, un filme de terror dirixido por Andrew Hull.
A batería Stella Mozgawa uniuse á banda no inverno do 2009. Pouco despois Warpaint asinou un contrato con Rough Trade Records, e inmediatamente comezou unha extensa xira polos Estados Unidos e Europa, na cal chegaron a abrir un concerto para The xx.
O 6 de decembro de 2010 a BBC anunciou que Warpaint fora nomeada para a enquisa Sound of 2011 da BBC e que serían as estrelas da portada do número de lanzamento do inverno de 2010 da revista Beat.
The Fool O 25 de outubro de 2010 a banda editou o seu álbum de estrea, The Fool. Antes do seu lanzamento, Warpaint contribuíu coa versión do tema "Ashes to Ashes" a We Were So Turned On, un álbum tributo a David Bowie publicado xunto con War Child.
No mes de novermbro a banda revelou que o tema "Shadows" sería o primeiro sinxelo do disco, aparecendo en vinilo de 12" e como descarga dixital o 10 de xaneiro do 2011. Unha remestura do sinxelo, "Shadows (Neon Lights Remix)", fíxose popular e chegou a soar na BBC Radio 1, como parte do In New Music We Trust.
Warpaint estivo de xira polos Estados Unidos e Europa na primavera e no verán do 2011 para promover o traballo. A banda tocou en varios grandes festivais como Bonnaroo, Glastonbury Festival, Reading and Leeds Festivals, Coachella Valley Music and Arts Festival, Rock Werchter e Electric Picnic.
No ano 2011 a reedición de "Undertow" chegou ao número 92 no Reino Unido, e ao 75 en Australia.
Warpaint miniatura|Warpaint ao vivo en 2014 A principios do ano 2011 a batería Stella Mozgawa, nunha entrevista á revista NME, expresou a intención da banda de "experimentar e compoñer as unhas coas outras", xa que as actuais membros nunha escribiran cancións "dende cero" xuntas. A baixista Jenny Lee Lindberg indicou ademais que a meirande parte das cancións máis novas compuxéranse improvisando no escenarioNME - Watch Warpaint's Rough Trade Sessions . Consultado o 30 de xaneiro de 2014.. En febreiro de 2013 a guitarrista Theresa Wayman confirmou a NME que o grupo pretendía crear un son minimalista, revelando que estaban desenvolvendo cancións nas probas de son, e experimentando máis con guitarras acústicas e instrumentos de percusión no novo discoNME - Warpaint confirm work on second album . Consultado o 30 de xaneiro de 2014..
Discografía Álbums de estudio Álbum Ano Selo The Fool 2010 Rough Trade Warpaint 2014 Rough Trade Heads Up 2016 Rough Trade
EPs Exquisite Corpse (2008, Manimal Vinyl)
Notas
Véxase tamén Ligazóns externas Páxina oficial
Categoría:Grupos musicais dos Ánxeles Categoría:Grupos musicais de art rock Categoría:Grupos musicais de indie rock Categoría:Grupos musicais de dream pop Categoría:Grupos musicais formados en 2004