O A Enciclopedia Galega Universal denomínao Fuji-San ou Fuji-Yama e a Diciopedia do século 21 Fujiyama ou Fugaku, situado na illa de Honshū, é a montaña máis alta do Xapón, cunha elevación do cumio de 3.776,24 metros. É o segundo volcán máis alto situado nunha illa de Asia (despois do Monte Kerinci na illa de Sumatra), e o sétimo pico máis alto dunha illa na Terra. O monte Fuji é un estratovolcán activo que entrou en erupción por última vez entre 1707 e 1708. A montaña está situada a uns 100 km ao suroeste de Tokyo e é visible desde alí nos días despexados. O cono excepcionalmente simétrico do Monte Fuji, que está cuberto de neve durante uns cinco meses ao ano, utilízase habitualmente como icona cultural do Xapón e é frecuentemente representado na arte e na fotografía, así como visitado por turistas e alpinistas.
O monte Fuji é unha das do Xapón xunto co Monte Tate e Monte Haku. É un lugar especial de beleza paisaxística e un dos Lugares históricos. Engadiuse á Lista do Patrimonio Mundial como Ben Cultural o 22 de xuño de 2013. Segundo a UNESCO, o Monte Fuji "inspirou a artistas e poetas e foi obxecto de peregrinación durante séculos". A UNESCO recoñece 25 sitios de interese cultural dentro do sitio do monte Fuji. Estes 25 lugares inclúen a montaña e o santuario xintoísta, Fujisan Hongū Sengen Taisha.
Características Aínda que o monte Fuji pareza ser un cono único e simétrico, no interior é máis complexo do que se poida imaxinar. O cono que nós chamamos de monte Fuji está realmente constituído por tres volcáns sobrepostos: Komitake, Fuji maior e Fuji menor. Un ollar atento e próximo da silueta das montañas revela irregularidades que son resultado desta sobreposición. Por exemplo, unha lixeira elevación da inclinación na zona norte da montaña, a cerca de 2.301 metros de altitude, fai parte do cume do cráter de Komitake, o máis antigo dos tres volcáns, que estivo activo durante o Plistoceno. O Fuji maior estivo activo entre e anos atrás. Os acontecementos volcánicos que tiveron lugar nos últimos anos contribuíron no crecemento do Fuji menor, a montaña que vemos actualmente.
Notas
Véxase tamén
Outros artigos Patrimonio da Humanidade no Xapón
Ligazóns externas
Fujisan (Mount Fuji) – Smithsonian Institution: Global Volcanism Program Comprehensive Database of Archaeological Site Reports in Japan, Nara National Research Institute for Cultural Properties 3 dimensional model of Mount Fuji on sketchfab Official Web Site of Mt.Fuji Climbing Mount Fuji as seen from the air SCIENCE CHANNEL（JST）(en xaponés)
Categoría:Volcáns do Xapón Categoría:Montañas do Xapón Categoría:Patrimonio da Humanidade no Xapón