O volcán Pico de Orizaba, tamén denominado Citlaltépetl, localízase en México e é a montaña máis alta deste país, a terceira de América do Norte e o terceiro volcán máis alto no hemisferio occidental. Localízase no extremo oriental do complexo montañoso do Eixo Neovolcánico, na fronteira entre os estados de Veracruz e Puebla. Actualmente encóntrase dormente, mais non está extinto, tendo ocorrido as últimas erupcións en 1687 e anteriormente en 1630, 1613, 1569, 1566, 1545 e 1537.
A cidade de Orizaba encóntrase no pé deste volcán. Próxima ao Pico de Orizaba fica a serra Negra. Este volcán foi importante para as culturas dos aztecas e totonacas. O pico e os terreos circundantes son parte dun Parque Nacional. É posíbel subir até ao cumio do pico, xa que existen camiños de aproximación e escalada.
Categoría:Montañas de México Categoría:Volcáns de México Categoría:Xeografía do estado de Puebla Categoría:Xeografía do estado de Veracruz