Justin Randall Timberlake, nado o 31 de xaneiro de 1981 en Memphis, Tennessee, é un actor, cantante, compositor, bailarín e empresario estadounidense. É un dos artistas musicais con maior número de vendas a nivel mundial, con arredor de 88 millóns de copias en todo o mundo. Timberlake foi candidato a numerosos premios e recoñecementos, entre os que se inclúen dez Premios Grammy, catro Premios Emmy, tres Brit Awards e nove Billboard Music Awards. De acordo coa revista Billboard, é o mellor artista solista masculino na historia do Mainstream Top 40.
Traxectoria Sendo neno apareceu nos programas de televisión Star Search e The All-New Mickey Mouse Club. A finais da década de 1990, Timberlake acadou recoñecemento como un dos vocalistas principais e membro máis novo do grupo musical de NSYNC, que acabou por se converter nunha das boy bands con mellores números de vendas de tódolos tempos. Timberlake gañou dos Premios Grammy polo seu álbum en solitario Justified (2002) e o seu sinxelo "Cry Me a River". Outro sinxelo do álbum, "Rock Your Body", tamén tivo éxito.
O seu segundo álbum FutureSex/LoveSounds (2006) tivo moi boa acollida pola crítica e caracterizouse pola súa diversidade de estilos musicais. Estreouse colocándose nos primeiros postos da lista Billboard 200 e tamén no número un da Hot 100 cos sinxelos "SexyBack" (con Timbaland), "My Love" (con T.I.) e "What Goes Around... Comes Around". Consolidado como artista solista a nivel mundial, os seus dous primeiros álbums superaron os 10 millóns de copias vendidas. Entre 2008 e 2012 Timberlake centrouse na súa carreira como actor, apartando durante uns anos a música. Tivo papeis protagonistas nos filmes A rede social, Bad Teacher, Friends with Benefits e In Time.
Timberlake retomou a súa carreira musical en 2013 con dous álbums máis, The 20/20 Experience e The 20/20 Experience – 2 of 2, nos que explora o estilo neo soul, inspirado parcialmente polas estruturas musicais do rock dos anos 1960 e 1970. O terceiro álbum foi o máis vendido do ano e dous dos seus sinxelos estiveron nos primeiros postos: "Suit & Tie" (con Jay-Z) e "Mirrors". Timberlake tamén fixo a dobraxe de Branch no filme de DreamWorks Animation Trolls (2016), cuxa banda sonora inclúe a súa canción "Can't Stop the Feeling!". O seu quinto álbum Man of the Woods (2018) converteuse no seu cuarto número un nos Estados Unidos. Con dous sinxelos nos primeiros postos, "Filthy" e "Say Something" (con Chris Stapleton), acabou o 2018 como o sexto álbum máis vendido do ano.
Discografía en solitario Álbums de estudio Justified (2002) FutureSex/LoveSounds (2006) The 20/20 Experience (2013) The 20/20 Experience – 2 of 2 (2013) Man of the Woods (2018) Everything I Thought It Was (2024)
Filmografía Como protagonista
Model Behavior (2000) Edison (2005) Alpha Dog (2006) Black Snake Moan (2006) Southland Tales (2007) Shrek the Third (voz, 2007) The Love Guru (2008) The Open Road (2009) A rede social (2010) O oso Yogi (voz, 2010) Bad Teacher (2011)
Friends with Benefits (2011) In Time (2011) Golpe de efecto (2012) Runner Runner (2013) Inside Llewyn Davis (2013) Justin Timberlake + The Tennessee Kids (2016) Trolls (voz, 2016) Wonder Wheel (2017) Trolls World Tour (voz, 2020) Palmer (2021)
Xiras
Como artista principal The Justified World Tour (2003–2004) FutureSex/LoveShow (2007) The 20/20 Experience World Tour (2013–2015) The Man of the Woods Tour (2018–2019)
Compartidas Justified and Stripped Tour (con Christina Aguilera) (2003) Legends of the Summer Stadium Tour (con Jay-Z) (2013)
Notas
Véxase tamén
Ligazóns externas Páxina oficial Last.fm Ficha en Allmusic Ficha na IMDb
Categoría:Actores de Tennessee Categoría:Actores de cinema dos Estados Unidos de América Categoría:Actores infantís dos Estados Unidos de América Categoría:Actores de televisión dos Estados Unidos de América Categoría:Actores de voz dos Estados Unidos de América Categoría:Cantantes de Tennessee Categoría:Nados en Memphis, Tennessee Categoría:Nados en 1981