Pablo Manuel Cachón Villar, nado en Malpica en 1935 e finado en Valladolid o 7 de agosto de 2016,Fallece el exmagistrado del Constitucional Pablo Cachón Villar, a los 80 años de edad foi un xuíz galego, que chegou a ser membro do Tribunal Constitucional de España
Traxectoria Aos cinco anos a súa familia trasladouse a vivir á Coruña. Licenciouse en dereito pola Universidade de Santiago de Compostela. Ingresou na carreira xudicial en 1967. Foi xuíz de primeira instancia en varias localidades como Mataró, Plasencia, Pamplona e Valladolid, e logo xuíz (1989) do Tribunal Supremo onde foi o titular da sala Cuarta, do social. En 1998 foi designado maxistrado do Tribunal Constitucional, onde permaneceu ata a súa xubilación en 2004.
Membro da asociación xudicial Francisco de Vitoria, de carácter centrista, foi proposto na terna do Partido Popular para o Tribunal Constitucional. Foi ademais profesor na Universidade de Valladolid.
Obras Diccionario Procesal Social. ''Reforma y crisis del proceso social, 1994-1996: Los problemas de aplicación de las últimas reformas procesales".
Galardóns Madrigalegos de ouro ao mérito xurídico, pola Enxebre Orde da Vieira.
Notas
Categoría:Xuíces de Galicia Categoría:Nados en Malpica de Bergantiños Categoría:Nados en 1935 Categoría:Finados en 2016