Partimen tra Guigo e Bernart [Guigo] Ar parra si sabetz triar, Bernatz, ni chausir per razo qual volriatz ad ops d'amar: un mantelh fach d'aital faisso que ja dona de re de no no.us dia, o una lansa dura ab fer trencan qu'ab cavalier pro d'armas ni prezan no.us encontre que derrocatz no.n sia.
[Bernart] Guigo, anc tot so que volc far Rotlan ab son bran fort e bo no poc complir ni acabar, per qu'a la lansa dic de no; lo mantelh vuelh per la genser que sia, qu'ab lieys auray tot quan vuelh ni deman, et ieu vuelh may complir tot mon talan que voler so que complir no poiria.
[...]
Partimen tra Bernart e Blacatz [Bernart] Segner Blacaz, ben mi platz e m'ajenza que.m respondatz d'aizo qu'eu vos voil dir. Cal volriaz [a] vostr'obs retenir de doas domnas: bonas son ses falenza, d'una beutat e d'un joven, mais l'una val mais veramen; et cella aurez sol un jorn l'an c'a maior prez, l'autr'a vostre talan?
[Blacatz] Amic Bernart, segont ma conoissenza vos respondrai cal deu om mais grazir. Ades mi platz on plus m'en pois jauzir de ma domna, mas per la mais-valenza prenc.ab tot meinz de jauzimen, cella c'om ten per plus valen: s'eu tot m'en suffre plus d'afan endreit d'amor, am mais la plus prezan.The Troubadour Tensos and Partimens..., op. cit., p.133-140
[...]
Partimen tra Bernart e Elias [Bernart] N'elyas, de dos amadors me digatz qals ama plus fort: l'us non pot a dreg ni a tort mudar qe non parle soven de sa domna ab tota gen; l'autre no.m parl' a nulla ren qe sia, mas en son cor remira nuech e dia, pessan, com leis puesca servir en grat: ara chausetz lo plus enamorat!
[Elias] En Bernart, plus destreign amors l'amic qi non ha nul confort, s'en parlan no.s dona conort de leis q'ama plus coralmen, cant en pot parlar d'avinen, qe l'apensat qi tostemps penssaria; amar pot el, mas no lo semblaria. q'ades parl' om d'aqo qe.l ven a grat, e se cal' om qant no.n a volontat.
[...]
Tenso tra Bernart e Gaucelm [Bernart] Gauselm, no·m puesc estener c'ab vos, iratz, no contenda, qu'en talant ai qu'ieu defenda las donas a mon poder, que vos aug descaptener; c'una·m rent cortez'esmenda que m'avia fait doler; per qu'eu, en lor captener, tanh que mos bels digz despenda.
[Gaucelm] Bernart, be sapchatz de ver que no vezem que be prenda a nuill qu'en dona s'entenda, per qu'ie·us ho fauc ans saber que fol vo·n fassatz tener, ni qu'ela s'amor vos venda; e no·i metatz vostr'aver, que ben poiriatz decazer, s'aviatz mil marcx de renda.
[...]
Note
Voci correlate Lista di trovatori e trobairitz
Categoria:Trovatori in lingua occitana