Luràgh o anca (Lurago d'Erba in Italian) l'è on comun de la Provincia de Còmm de , cont ona superfiss de km² e ona densità de ab./km². El sò nòmm l'è compagn a quell de Luragh Marinon (Lurago Marinone), ma i duu hinn minga l'istess comun.
El Comun
El Comun de Luragh l'è formaa da cinch zòni, ch'hinn sit sui collinn che fann part del territòri del Comun: Luragh, in su la collina orientala, in dovè che se troeuvan el center stòrich e i monument pussee important; Calpurgn, in su la collina ocidentala; Colciagh, in de la part ocidentala del Comun; Carégia, in de la part sud-ocidentala, al confìn cont Inverigh, vesin a la soa frazion de Cremnagh; Caregioeula, in de la part setentrionala del paes, al confin cont Mongòzz e vesin a la ferrovia Còmm-Moltee-Lecch.
I munument
I munument pussee important hin: la gesa de San Gioànn Evangelista (a Luràgh), consacrada in del 1913 e'l vesìn campanil, dedicàa ai soldàa mòrt in de la Prima Guèra Mondiala; el Batistér, faa sù in del XVII secol, che se troeuva in del center stòrich; la Vila Sormani (a Luràgh), fada sù in del XVII secul, d'in dovè se poeu vedè on bèl panorama sù la Brianza Vôlta; la gesa de San Giorg (a Colciagh), on temp la gesa pussee importanta de tutta Luràgh e che incoeu la se troeuva dent a la cassina cont l'istess nòmm; la gesa de San Steven (a la Carégia).
I cassini
Anca a Luràgh, cumè in on frach de paes in de la Brianza, gh'hin divers cassini; i pussee important hin: la Ca' Bassa (visìn a la Caregioeula), incoeu abandonada e in ruina; la Ca' Vôlta, tra la Caregioeula e Luràgh; la Ca' di Ronch, sù ona colina visina a la Ca' Vôlta; la Ca' de San Ròcch, ai pee de la colina de Luràgh; la Ca' Montesell, sù la strada che va da Luràgh ad Anzàn; la Ca' de San Giorg, a Colciagh.
Evoluzion demografega
L'andament del numer de abitant del comun de Luragh d l'è mustraa in de la tabela chi de sota
Riferiment
Categoria:Comun de la provincia de Com Categoria:Comun de la Piev de Inscin