El Vergant (Vergante in Italian) a l'è la zòna del Piemont (provincc de Novara e de Verbania) situada tra el Lagh Maggior, el Lagh d'Òrta e 'l Mont Mottaron. L'è on territòri faa de collinn e 'l ne reguarda soratutt la zòna oriental, cioè quella che la varda el Lagh Maggior. El mont pussee alt del territòri l'è 'l Mottaron (1491 m), che 'l separa el Vergant del Lagh d'Òrta. El fiumm maggior a l'è l'Erno, che 'l part del mont e 'l va dent al lagh. Alter cors d'aqua important a hinn el Selva Spessa, el Riaa Stiroeu, l'Airòla e 'l Selva Nòcca. Comun del Vergant Provincia de Novara: Aròna, Meina, Lesa, Invò, Parscé, Olesg Castell, Pisan, Colazza, Nebbiun, Massin. Provincia del Verban-Cusi-Òssola: Belgiraa, Stresa, Baven, Brovell-Carpognin, Gignes. Categoria:Piemont