Essen (Esse in Ripuarisch ; Assindia in latin) a l'è ona città todesca. La se troeuva in del Land del Nòrd Reno-Vestfalia, in de la region de la Ruhr. L'è la terza città pussee granda del Land dòpo Colònia e Dortmund. Notizzi vari thumb|left|200px|La cattedral de Essen. In de la Cattedral de Essen (giamò Badia de la Santissima Trinità), se troeuva la coròna de l'imperador Otton III. In del 2010 Essen l'è stada la capital europea de la coltura. A Essen la gh'ha origin la familia Krupp. Essen in todesch el voeur dì anca mangià, però a l'è minga chell li l'origen del nomm. Al contrari, l'origen del nomm el someja 'l vegna de la parolla todesca "Eschen", ciovè "arbor de frassen", perchè 'l par che in del sitt indova l'è gnuda su la cittaa 'l gh'era ona voeulta on gran frassinee. El nomm del sitt el s'è mudaa pu voeult in di agn: Astnidum, Astanidum, Asbidi, Asnid, Assinde, Asnida, Assindia, Essendia, Esnede, Essende, Essend finn a rivà al "Essen" del didincoeu. La teoria, inscambi, che 'l nomm el vegna del vegg termen germanegh "esse", che 'l voeur dì foeugh de brasera (in referiment ai tant fonderii de azzal de la cittaa), 'l var pocch o negott perchè la cittaa de Essen l'è ben pussee veggia de la revoluzzion industriala.
Gemellagg Grenoble, Francia. Sunderland, Regn Unii. Tampere, Finlandia. Nižnij Novgorod, Russia. Tel Aviv, Israel.
Riferiment
Categoria:Cità del Nord Reno-Vestfalia