Velise Bonfante l'è 'na poetèsa e scritùra, 'ntra le piö 'mportànte del panoràma dialetàl bresà del dé d'encö. L'è nasìda a Màntoa ma de cà la stà de 'na sinquantìna d'agn söl Lach de Garda.
Zamò de la sò 'nfànsia la g'ha püdìt scultà e 'mparà divèrse parlàde locài compàgn de 'l verunés e 'l trentì. La lèngua che la g'ha catàt fò per isprimìs endèle sò òpere però l'è 'l bresà.
De spès l'è ciamàda a fà part de le giürìe dei concórs de poezìe e la laùra 'nsèma al giornàl “Dipende Giornale del Garda” per el qual la cüra la colàna "Poeti di Dipende”.
L'è 'na apasiunàda de teàtro e 'ndèl 1995, ensèma con quàch amìche la g'ha fondàt La Compagnia de Riultèla.
La g'ha scriìt en bèl pó de comédie 'n bresà ma apò a 'na quach storièle per pipì e 'nfìna a rià a fà de le tradusiù de poezìe de autùr famùs, compàgn del Giacomo Leopardi (L'infinìt), Giusuè Carducci (San Martì e Piànzer vècc) e adiritüra 'l Dant Ligher (i prim vèrs de la Divìna Comédia).
Ergöne de le sò poezìe (El süpilì ros – La fera de San Faüstì – A caàl del tèmp – El pì – Reciòch de fera – Al me òm) i è stàde mitìde 'ndèla "Antologìa del dialèt bresà"“Antologia del dialetto bresciano” - Fondazione Civiltà Bresciana - dezèmber del 1999 endèl volüm dedicàt ai autùr del dé d'encö.
Òpere
Comédie
Dizìl coi Fiùr
I Caai de la Bisnona
L’ocaziù de fa bögada
El quàder söl sölér
Casimiro ciao-ciao
Tadeo benedèt ve zo de chèl lèt
La pröa de la scagna
L'è mai isé come par
I confècc co la mandola amara
Villa Artemisia
Clèmens de la Sovera
El tròto Bernardo
Mai schersà con chèl che no se sa - o sedenò - Operazione Borotalco
El veciasì dei solfanèi
Gh'era na olta en mago
El gat de marmo négher - o sedenò - Gatì gatù liù
Dumà compése j-agn
Teodoro tignìt compàgn de l'oro
La zia veneranda
Le alegre comàr de Riultèla (Adatamènt lìber en bresà de Le allegre comari di Windsor de William Shakespeare)
Pèr en pér de pér - At ünich - teatro 'n piàsa
Lìber
Òja de Primaera - Poezìe 'n bresà El supilì ros - Poezìe 'n bresà A caàl del tèmp - Poezìe 'n bresà Gira - Girasùl - Poezìe 'n bresà Come se faa - come se fa - resérca sö le tradisiù Vocabolando - resérca lesicàl
Riferimèncc
Colegamèncc estèrni
El sò sit persunàl
Categoria:Autor in lombard Categoria:Nassud a Mantoa