300px|thumb|right|On quader con sù el Filipp III El Filipp III d'Asburgh (Felipe III d'Asburgo; Madrid, 14 april 1578-Madrid, 31 marz 1621) l'è staa on re spagnoeu, ma anca re del Portogal cont el nòmm de Filipp II (Filipe II) e tra tucc i sò titoj gh'era anca quèll de Duca de Milan. L'ha regnaa del 1598 al 1621, quand l'è mòrt.
L'era el fioeu del famos Filipp II de Spagna e de la soa quarta miee, la Anna d'Austria. Quèsta l'era la tôsa de l'imperador Massimilian II d'Asburgh, el qual l'aveva comè pader el Ferdinand I, fradel del pader del Filipp II (Carl I de Spagna).
L'è diventaa re intel 1598 e intel 1599 l'ha sposaa la Margherita d'Austria-Stiria, che l'era semper ona dij Asburgh. De lé el gh'ha avuu ben vòtt fioeuj: Anna (1601-1666), che l'ha sposaa el Luis XIII de Franza. Maria (1603), che l'è mòrta el dì che l'è nassuda. El Filipp IV de Spagna (1605-1665). Marianna (1606-1646), che l'ha sposaa l'imperador Ferdinand III d'Asburgh. Carl (1607-1632), che l'è mòrt a domà vintcinch ann e che forsì l'era matt. Ferdinad (1609-1641), vescov de Tolee, cardinal catòlegh, general e governador dij Paes Bass Spagnoeuj. Margherita (1610), che l'è mòrta el dì che l'è nassuda. Alfons (1611), che l'è mòrt el dì che l'è nasuuu.
L'è staa vun dij protagonist de la Guèrra dij Trent'Ann.
I titol Filipp III de Spagna Filipp II de Portogall Filipp II de Aragona Filipp II de Sicilia e de Napoli
Categoria:Asburgh Categoria:Re de Spagna Categoria:Re del Portogall Categoria:Re de Sicilia Categoria:Re de Napoli Categoria:Duca de Milan Categoria:Nassud in del 1578 Categoria:Mort in del 1621