El Circondari de Lecch (Circondario di Lecco) l'è staa voeuna di division ministrativ de la Provincia de Comm in del period 1859-1927. El territori del circondari el correspond a la part oriental de la provincia comasca: cioè a squasi tutta la Provincia de Lecch del dì d'incoeu (foeura che la Val San Martin, che la partegniva a la Bergamasca, e la zona nord del lagh) e on tocchell de quella de Comm (per esempi la Vallassina). El confinava a nord con la Provincia de Sondri, a est con la Provincia de Bergom (circondari con l'istess nomm), a sud con la Provincia de Milan (circondari de Monza) e a ovest cont el circondari de Comm. I comun in del 1863 In grassett quei comun che esisten anca al dì d'incoeu. In corsiv i comun che fann minga part de la provincia lecchesa (nassuda in del 1992): Mandament I de Brivi Aizurr, Bagaggera, Brianzoeula, Brivi, Cajan, Calch, Cologna, Imbersagh, Irun, Mondonegh, Nava, Novaa, Olgiaa, Paderna, Robbiaa, Rovagnaa, Sabbionscell, Santa Maria Oè, Sartirana, Tegnon, Verdee de Sora, Verdee de Sotta. Mandament II de Canz Ass, Barni, Canz, Carella, Caslin, Cassina Mariaga, Castell Mart, Lasnigh, Longon, Magrej, Onn, Pagnan, Penzan, Preserp, Rezzagh, Scarenna, Sorman, Valbrona, Visin. Mandament III de Introeubi Baiee, Barcon, Barz, Bind, Casargh, Cassina, Concenee, Cortabbi, Cornoeuva, Crandola, Cremen, Introeubi, Margn, Mosg, Narr, Pagnona, Parlasch, Pastur, Pessina, Premana, Premaluna, Tasen, Vimogn. Mandament IV de Lecch Aquaa, la Badia, Ballabi de Sora, Ballabi de Sotta, Bellee, Castell, Cius, Germanee, Laorca, Lecch, Lierna, Linzanigh, Malgraa, Mandell, Morteron, Olaa, Olcc, Pescaa, Rancc, San Giovann, Somana, Valmadrera. Mandament V de Massaja Barzagh, Barzanò, Bernaga, Bulciagh, Casaa Noeuv, Casiragh, Cassagh, Cassina di Bracch, Cereda, Cernusch, Contra, Crimella, Lomagna, Lomaniga, Massaja, Montaveggia, Montesell, Orian, Osnagh, Peregh, Sirtol, Viganò. Mandament VI de Oggion Annon, Bartesaa, Bij, Bosis, Capiaa, Cherghentin, Civaa, Consonn, Dolzagh, Dosc, Ell, Galbiaa, Garbagnaa Monastee, Garlaa, Imberid, Molten, Oggion, Olginaa, Pusian, Sala, San Fermo, Siron, Suell, Villa Vergan.
Vos correlaa Provincia de Lecch
Categoria:Provincia de Com Categoria:Provincia de Lech Categoria:Circondari comasch