El Mottaron (Mottarone) l'è on mont del grupp del Mergozzoeu, in di Alp Peninn. A l'è volt 1.492 meter.
A l'è cognossuu per vess on sit indove che ghe va on monton de gent a scià duranta i vacanz invernai, oltra a vess staa on bell poo de voeult ona tappa del Gir d'Italia. Geografia El Mottaron el se troeuva in d'ona posizion puttost isolada: in mezz in tra el Lagh d'Orta e 'l Lagh Maggior, e per quest a l'è cognossuu anca tant 'me la montagna di duu lagh. De la soa scima (che la partegna al comun de Stresa, in Provincia de Verbania) se poden vedè 'sti duu lagh, ma anca el Mont Roeusa, la Val d'Ossola e la Val Strona, i lagh de Mergoeuzz, Vares, Monaa e Comabbi, la Pianura Padana e i Alp Marittim. Intorna a lù a gh'è i paes de Gignes, Stresa, Baven, Gravellona, Omegna e Armen. A sud del mont la vegna foeura l'Agogna, fiumm che 'l passa anca per Novara e che 'l riva giò fina a Mortara. Not
Vos correlaa Lagh Maggior Lagh d'Orta Vergant Agogna
Categoria:Montagne del Piemont Categoria:Scime de 1400 meter