Michele Patruno, mej cognossuu tant 'me Lino Patruno (Croton, 27 de ottober del 1935) l'è on musicista italian. Nassuu in Calabria, l'ha prima vivuu a Roma e poeu a Milan. Lilinscì l'ha cognossuu el jazz, del qual a l'è staa vun di primm representant italian. In del 1964 l'è diventaa vun di member di Gufi insemma al Nanni Svampa, Gianni Magni e Roberto Brivio. In del grupp a l'eva cognossuu tant 'me il cantamusico: l'ha scrivuu la musega de on fracch de canzon e l'ha curaa el rangiament de tanti alter ammò. Quand che 'l grupp l'è andaa a monton, l'ha sutaa a lavorà insemma al Svampa, in teater, in television e anca in di disch. Intrattant, l'ha sonaa insemma a tanti alter musicista jazz, italian e forest. L'ha compost colonn sonori de vari film e anca la sigla de Portobello, el programma condott de l'Enzo Tortora.
Al dì d'incoeu el viv a Roma e 'l seguta anmò a sonà. Patruno